اسلام آباد۔11اکتوبر (اے پی پی) صدر مملکت ڈاکٹر عارف علوی پاکستان اتے قطر دے آپسی فیدے کیتے معیشت اتے دفاع دے شعبیاں اچ تعلقات ٻئے مضبوط ٻݨاوݨ دی لوڑھ تے زور ݙیندیں ہوئیں امید کیتی جو ݙوہیں ملکاں وچال تعاون آندے سالیں اچ ٻیا بہتر تھیسی۔ ایوان صدر دے پریس ونگ موجب صدرمملکت اے ڳالھیں قطری مسلح افواج دے چیف آف سٹاف لیفٹیننٹ جنرل (پائلٹ) سلیم حماد عقیل النابت نال …
صدر مملکت ڈاکٹر عارف علوی دی قطردی مسلح افواج دے چیف آف سٹاف لیفٹیننٹ جنرل (پائلٹ) سلیم حماد عقیل النابت نال ملاقات
مزید خبراں
اسلام آباد۔11اکتوبر (اے پی پی) صدر مملکت ڈاکٹر عارف علوی پاکستان اتے قطر دے آپسی فیدے کیتے معیشت اتے دفاع دے شعبیاں اچ تعلقات ٻئے مضبوط ٻݨاوݨ دی لوڑھ تے زور ݙیندیں ہوئیں امید کیتی جو ݙوہیں ملکاں وچال تعاون آندے سالیں اچ ٻیا بہتر تھیسی۔ ایوان صدر دے پریس ونگ موجب صدرمملکت اے ڳالھیں قطری مسلح افواج دے چیف آف سٹاف لیفٹیننٹ جنرل (پائلٹ) سلیم حماد عقیل النابت نال ملاقات کریندیں ہوئیں آکھی جنہاں آپݨے وفد دے ارکان دے رلے بدھ کوں ایوان صدر اچ ملاقات کیتی۔ ملاقات اچ پاک فضائیہ دے سربراہ ائیر چیف مارشل ظہیر احمد بابر سدھو اتے اعلیٰ سرکاری حکام وی شریک تھیے۔ صدرمملکت آکھیا جو پاک۔قطر تعلقات کوں آپسی طور فیدہ مند کاروباری تے اقتصادی تعلقات اچ بدلݨا چاہیدے۔ صدر مملکت قطری چیف آف سٹاف کوں نشان امتیاز (ملٹری) دا اعزاز ملݨ تے مبارخ ݙتی۔ صدر مملکت ایوان صدر اچ ہک خصوصی تقریب اچ لیفٹیننٹ جنرل (پائلٹ) سلیم حماد عقیل النابت کوں نشان امتیاز (ملٹری) دا اعزاز وی ݙتا۔
