عدالت سپریم کورٹ پریکٹس اینڈ پروسیجر ایکٹ 2023ء دے فیصلے اچ قانون سازی دی پارلیمان دی طاقت کوں منیے ، سابق وزیر قانون سینیٹر اعظم نذیر تارڑ

اسلام آباد۔12اکتوبر(اے پی پی) سابق وزیر قانون تے انصاف سینیٹر اعظم نذیر تارڑ آکھیے جو سپریم کورٹ پریکٹس اینڈ پروسیجر ایکٹ 2023ء دے خلاف عدالت عظمیٰ اپݨے گزریل ݙینھ دے فیصلے اچ پارلیمنٹ دی قانون سازی دی طاقت کوں منیے ۔ اعظم نذیر تارڑ ھک نجی ٹی وی چینل نال ڳالھ مہاڑ اچ آکھیے الیکشن ایکٹ2017ء اچ پنج سال دی نااہلی متعلق ترمیم تھئی، قانون آکھدے جو جتھاں آئین چپ ہووے تاں قانون سازی نال اڳوں ودھیا ونڄ سڳدے ۔ انہاں آکھیے سپریم کورٹ پریکٹس اینڈ پروسیجر ایکٹ دا ٻہوں چنڳاں فیصلہ کیتے ، عدالت پارلیمنٹ دی قانون سازی دی طاقت کوں منیے تے عدالت دے فیصلے پارلیمنٹ کوں تکڑا کیتے ۔ اعظم نذیر تارڑ مزید آکھیے اساں بار دے نمائندہ اتے پارلیمنٹ دا حصہ ہووݨ دے ناطے ججز تعیناتی دا مطالبہ کریندوں۔