سپریم کورٹ اچ بجلی دے ٻل اچ فیول پرائس ایڈجسٹمنٹ دی اپیلاں تے سماعت سنوار 16 اکتوبر کوں تھیسی

اسلام آباد۔13اکتوبر(اے پی پی) سپریم کورٹ اچ بجلی دے ٻل اچ فیول پرائس ایڈجسٹمنٹ (ایف پی اے) متعلق 1128 اپیلاں سماعت سانڳے مقرر کرݙتیاں ڳئن ۔ عدالت عظمی دی طرفوں جاری کاز لسٹ موجب چیف جسٹس آف پاکستان جسٹس قاضی فائز عیسیٰ دی سربراہی اچ سپریم کورٹ دا ترائے رکنی بینچ سنوار 16 اکتوبر 2023 کوں انہاں اپیلاں تے سماعت کریسی ۔ ایں حوالے نال اٹارنی جنرل آفس اتے بجلی دی تقسیم کار کمپنیاں کوں نوٹس جاری کرݙتے ڳئن ۔ واضح رہے جو اپیلاں تے گزریل سماعت دے موقع تے چیف جسٹس قاضی فائز عیسیٰ اپݨے ریمارکس اچ آکھیا ہئی جو بجلی دیاں قیمتاں دے حوالے نال کیساں دا ڈھیر لڳیا پئے ۔ انہاں آکھیا ہئی جو آندی سماعت تے نہ تاں التواء ملسی تے نہ ہی ویڈیو لنک تے دلائل دی اجازت ݙتی ویسی۔