چین پاکستان دا ہر اوکھ اچ ساتھ ݙتے، نگران وزیرِ اعظم انوار الحق کاکڑ دی گرینڈ ویو انسٹیٹیوٹ دے صدر نال ملاقات اچ ڳالھ مہاڑ

بیجنگ۔17اکتوبر (اے پی پی) نگران وزیرِ اعظم انوار الحق کاکڑ آکھیا جو چین پاکستان دا ہر اوکھ اچ ساتھ ݙتے۔ منگل کوں وزیر اعظم آفس دے میڈیا ونگ توں جاری پریس ریلیز موجب دورہ چین اچ وزیر اعظم نال گرینڈ ویو انسٹیٹیوٹ دے صدر رین-لیبو بیجنگ اچ ملاقات کیتی۔ وزیراعظم ڳالھ مہاڑ کریندیں ہوئیں آکھیا جو چین، پاکستان دا پراݨا دوست اے جئیں ہر اوکھ اچ پاکستان دا ساتھ ݙتے۔ وزیراعظم ݙوہیں ملکاں وچال تعلیم تے تحقیق دے شعبے اچ تعاون کوں خوش آئند قرار ݙتا۔