چین اتے پاکستان سی پیک کوں خوشحالی، روزگار، رابطے اتے گرین ترقی دی راہداری اچ بدلݨ تے اتفاق کیتے، نگران وزیر اعظم انوار الحق

بیجنگ۔17اکتوبر (اے پی پی) نگران وزیر اعظم انوار الحق کاکڑ آکھیا جو چین اتے پاکستان سی پیک کوں خوشحالی، روزگار، رابطے اتے گرین ترقی دی راہداری اچ بدلݨ تے اتفاق کیتے۔ منگل کوں وزیر اعظم آفس دے میڈیا ونگ توں جاری پریس ریلیز موجب نگران وزیرِ اعظم انوار الحق کاکڑ بیجنگ اچ اڄ چین پاکستان اقتصادی راہداری سی پیک تے تھیوݨ آلی گول میز اجلاس دی صدارت کیتی۔ اجلاس اچ چینی اسکالرز، تعلیمی اداریاں تے تھنک ٹینکس دے محققین شریک تھیے۔ اجلاس اچ وزیرِ اعظم پاکستان دے چین پاکستان اقتصادی راہداری سی پیک بارے پاکستان دے علاقائی رابطے اتے پائیدار ترقی دے ویژن دا اظہار کیتا۔ انہاں گزریل ݙاہ سالیں اچ پاکستان دی سماجی تے اقتصادی ترقی اچ سی پیک دے مثبت کردار تے وی روشنی پاتی۔ چین اتے پاکستان سی پیک کوں خوشحالی، روزگار، رابطے اتے گرین ترقی دی راہداری اچ بدلݨ تے اتفاق کیتے۔