ارومچی۔20اکتوبر (اے پی پی) نگران وزیراعظم انوارالحق کاکڑ آکھیا جو پاکستان اتے چین دی دوستی دا وکھرا رشتہ اعتماد اتے آپسی احترام دی بنیاد تے اے۔ سنکیانگ صرف تجارتی اتے مواصلاتی راہداری نئی بلکہ ݙو قوماں کوں جوڑݨ دا باعث وی اے، چین اچ تعلیم حاصل کرݨ آلے پاکستانی طلبا پاکستان اچ سیاحت دے ودھارے کیتے کردار ادا کرن۔ پوری دنیا اچ رہݨ آلے لوک مذہب اتے نسل توں ہٹ …
پاکستان اتے چین دی دوستی دا وکھرا رشتہ اعتماد اتے آپسی احترام دی بنیاد تے اے، نگران وزیراعظم انوار الحق کاکڑ دا خطاب
مزید خبراں
ارومچی۔20اکتوبر (اے پی پی) نگران وزیراعظم انوارالحق کاکڑ آکھیا جو پاکستان اتے چین دی دوستی دا وکھرا رشتہ اعتماد اتے آپسی احترام دی بنیاد تے اے۔ سنکیانگ صرف تجارتی اتے مواصلاتی راہداری نئی بلکہ ݙو قوماں کوں جوڑݨ دا باعث وی اے، چین اچ تعلیم حاصل کرݨ آلے پاکستانی طلبا پاکستان اچ سیاحت دے ودھارے کیتے کردار ادا کرن۔ پوری دنیا اچ رہݨ آلے لوک مذہب اتے نسل توں ہٹ تے غزہ اچ اسرائیلی بربریت دے خلاف آواز چاون ۔جمعے کوں سنکیانگ یونیورسٹی دے اساتذہ اتے طلبا توں خطاب کریندیں ہوئیں انہاں آکھیا جو تریجھے بیلٹ اینڈ روڈ فورم سویں اہم ایونٹ اچ شرکت دے بعد او اورومچی پڄیین، بیلٹ اینڈ روڈ فورم بی آرآئی دے 10 سال پورے تھیوݨ تے فورم ہئی جئیں دا سی پیک فلیگ شپ منصوبہ اے۔ میں بی آر ائی دے اعلیٰ سطح دے فورم توں خطاب کیتے اتے چینی رہنماواں، کاروباری شخصیات اتے دانشوراں نال ملاقاتاں وی کیتن جئیں اچ چین دے نال پاکستان دے ہر موسم اچ آزمودہ تزویراتی سانجھے داری کوں ودھاوݨ دا عزم کیتے۔
