مس انفارمیشن اتے ڈس انفارمیشن پوری دنیا دا مسئلہ اے، سوشل میڈیا تے ساریاں توں وݙا چیلنج جعلی خبراں ہن، مرتضیٰ سولنگی

اسلام آباد۔20اکتوبر  (اے پی پی) نگران وفاقی وزیر اطلاعات تے نشریات مرتضیٰ سولنگی مس انفارمیشن، ڈس انفارمیشن اتے فیک نیوز تے قابو پاوݨ دی لوڑھ تے زور ݙیندیں ہوئیں آکھیا جو مس انفارمیشن اتے  ڈس انفارمیشن   پوری دنیا دا مسئلہ اے، سوشل میڈیا تے ساریاں توں وݙا چیلنج جعلی خبراں ہن۔صحافیاں کوں تربیت ݙیوݨ کیتے برطانیہ دے جدید میڈیا نصاب توں مدد ڳھدی ویسی۔ برطانیہ نال میڈیا دے شعبیاں اچ تعاون ودھاوݨ چاہندوں۔ اے ڳالھیں انہاں جمعے کوں برطانوی ہائی کمیشن دی پولیٹیکل قونصلر مس زوئی ویئر نال ملاقات کریندیں ہوئیں آکھی۔ ملاقات اچ پاک برطانیہ تعلقات، نفرت انگیز بیانیہ، مس انفارمیشن، ڈس انفارمیشن دے خاتمے، میڈیا دے شعبیاں اچ تعاون ودھاوݨ اتے یو این ڈی پی دے سیف ڈیجیٹل انوائرمنٹ پروگرام تے ڳالھ کیتی ڳئی۔