اسلام آباد۔20اکتوبر (اے پی پی) نگران وفاقی وزیر تجارت، صنعت تے پیداوار ڈاکٹر گوہر اعجاز بیلٹ اینڈ روڈ انیشیٹو (بی آر آئی) اچ چین دے کردار تے زور ݙیندیں ہوئیں آکھیا جو بی آر آئی منصوبے پاکستانیاں دی زندگیاں کوں بدل ݙتے۔ سی پیک دے ابتدائی مرحلے بجلی دی بندش کوں مُکا ݙتے۔ اے ڳالھیں انہاں جمعے کوں شنگھائی اچ چینی ایگزم بینک دے صدر رین شینگجن نال ملاقات اچ …
بی آر آئی منصوبے پاکستانیاں دی زندگیاں کوں بدل ݙتے، ڈاکٹر گوہر اعجاز دی ایگزم بینک دے صدر نال ملاقات اچ ڳالھ مہاڑ
مزید خبراں
اسلام آباد۔20اکتوبر (اے پی پی) نگران وفاقی وزیر تجارت، صنعت تے پیداوار ڈاکٹر گوہر اعجاز بیلٹ اینڈ روڈ انیشیٹو (بی آر آئی) اچ چین دے کردار تے زور ݙیندیں ہوئیں آکھیا جو بی آر آئی منصوبے پاکستانیاں دی زندگیاں کوں بدل ݙتے۔ سی پیک دے ابتدائی مرحلے بجلی دی بندش کوں مُکا ݙتے۔ اے ڳالھیں انہاں جمعے کوں شنگھائی اچ چینی ایگزم بینک دے صدر رین شینگجن نال ملاقات اچ ڳالھ مہاڑ کریندیں ہوئیں آکھی۔ انہاں بی آر آئی دے آوݨ آلے مرحلے تے روشنی پاتی جئیں اچ نجی شعبیاں دے تعاون تے توجہ ݙتی ڳئی اے۔ ڈاکٹر گوہر اعجاز کراچی، لاہور، ملتان اتے فیصل آباد اچ خصوصی اقتصادی زونز (ایس ای زیڈز) ٻݨاوݨ دا اعلان کیتا اتے آکھیا جو ہر ہک ایس ای ڈیز صنعتی ترقی کوں سوکھا ٻݨاوݨ کیتے سہولتاں ہوسن۔ چینی ایگزم بینک دے صدر رین شینگجن آکھیا جو ایگزم بینک قرضیاں دی تنظیم نو کیتے آپݨی اندرلے عمل کوں پورا کر ڳھدے۔
