ارومچی۔20اکتوبر(اے پی پی):نگراں وزیراعظم انوارالحق کاکڑ نال چین دے سنکیانگ ایغور خودمختارعلاقے دے ڈپٹی پارٹی سیکرٹری اتے سنکیانگ پروڈکشن اینڈ کنسٹرکشن کور (ایکس پی سی سی) دے پارٹی سیکرٹری لی یفئی ملاقات کیتی تے ݙو پاسے تعلقات کوں تکڑا بݨاوݨ متعلق معاملات تے ڳالھ مہاڑ کیتی ۔ وزیراعظم آفس دے میڈیا ونگ توں جاری بیان موجب پاکستان کیتے چینی عوام دے گرمجوشی دے جذبات دی تعریف کریندے ہوئیں وزیراعظم …
وزیراعظم انوارالحق کاکڑ نال سنکیانگ پروڈکشن اینڈ کنسٹرکشن کور دے پارٹی سیکرٹری لی یفئی دی ملاقات
مزید خبراں
ارومچی۔20اکتوبر(اے پی پی):نگراں وزیراعظم انوارالحق کاکڑ نال چین دے سنکیانگ ایغور خودمختارعلاقے دے ڈپٹی پارٹی سیکرٹری اتے سنکیانگ پروڈکشن اینڈ کنسٹرکشن کور (ایکس پی سی سی) دے پارٹی سیکرٹری لی یفئی ملاقات کیتی تے ݙو پاسے تعلقات کوں تکڑا بݨاوݨ متعلق معاملات تے ڳالھ مہاڑ کیتی ۔ وزیراعظم آفس دے میڈیا ونگ توں جاری بیان موجب پاکستان کیتے چینی عوام دے گرمجوشی دے جذبات دی تعریف کریندے ہوئیں وزیراعظم پاکستان دی خودمختاری، علاقائی سالمیت اتے اقتصادی ترقی کیتے بھرپور حمایت تے سی پی سی دی قیادت دا شکریہ ادا کیتے۔ بیجنگ اچ صدر شی جن پنگ اتے وزیراعظم لی کیانگ نال آپݨی ملاقات دا ذکر کریندے ہوئیں وزیراعظم ݙوہیں ملکاں وچال ݙوطرفہ تعلقات کوں تکڑا کرݨ کیتے چینی قیادت دے عزم دی تعریف کیتی ۔ وزیراعظم سنکیانگ اتے گلگت بلتستان وچال ثقافتی اتے تاریخی رابطے دی اہمیت تے زور ݙتا اتے سی پیک دے نقطہ آغاز دے طور تے سنکیانگ دی اہمیت کوں اجاگر کیتے ۔ انہاں سنکیانگ اتے پاکستان دے پڑوسی علاقیں وچال تجارت، رابطے تے ثقافتی تعلقات کوں ودھاوݨ دی لوڑھ تے زور ݙتا ۔ پاکستان نال ایکس پی سی سی دے مضبوط ادارہ جاتی رابطے تے سنکیانگ دے امن اتے ترقی اچ ایندے کردار دا ذکرکریندے ہوئیں وزیر اعظم ایکس پی سی سی کوں پاکستان اچ صنعتی ترقی، سیاحت، زراعت اتے معدنیات اتے کان کنی دے شعبیں اچ کاروبار اتے سرمایہ کاری دے موقع توں فیدہ چاوݨ دی دعوت ݙتی ۔ ڈپٹی پارٹی سیکرٹری لی یفئی آکھیے چین پاکستان کوں ھک اہم اقتصادی شراکت دار سمجھدے تے تجارتی رابطے مزید ودھاوݨ سانڳے آپݨے رابطے تے تجارتی اتے رابطے مزید گہرا کرݨ کیتے آپݨیاں کوششاں جاری رکھیسی ۔
