لاہور۔22اکتوبر(اے پی پی) پنجاب حکومت مقررہ ڈیڈ لائن دے بعد غیر قانونی مقیم تارکین وطن دے خلاف بغیر کہیں وانڄھ اتے دیر کیتے وݙا کریک ڈاؤن کرݨ دا اعلان کیتے۔ نگران وزیراعلیٰ پنجاب محسن نقوی دی اڳواݨی اچ لاہور اچ ہک اہم اجلاس تھئے جیندے اچ فیصلہ کیتا ڳئے جو ڈیڈلائن دے بعدغیر قانونی مقیم تارکین وطن دے خلاف وݙا کریک ڈاؤن کیتا ویسی۔ اجلاس اچ پنجاب اچ یکم نومبر …
ڈیڈلائن دے بعدغیر قانونی مقیم تارکین وطن دے خلاف وݙا کریک ڈاؤن تھیسی: پنجاب حکومت
مزید خبراں
لاہور۔22اکتوبر(اے پی پی) پنجاب حکومت مقررہ ڈیڈ لائن دے بعد غیر قانونی مقیم تارکین وطن دے خلاف بغیر کہیں وانڄھ اتے دیر کیتے وݙا کریک ڈاؤن کرݨ دا اعلان کیتے۔ نگران وزیراعلیٰ پنجاب محسن نقوی دی اڳواݨی اچ لاہور اچ ہک اہم اجلاس تھئے جیندے اچ فیصلہ کیتا ڳئے جو ڈیڈلائن دے بعدغیر قانونی مقیم تارکین وطن دے خلاف وݙا کریک ڈاؤن کیتا ویسی۔ اجلاس اچ پنجاب اچ یکم نومبر توں غیر قانونی رہݨ آلے غیرملکیاں دے خلاف کارروائی بارے اقدامات دا جائزہ ڳھدا ڳئے اتے پنجاب حکومت غیر قانونی غیر ملکیاں کوں 31 اکتوبر تئیں پنجاب چھوڑݨ دا حکم ݙتے اتے ایں سانڳے سارے متعلقہ اداریاں کوں ہدایات جاری کر ݙتن۔ اجلاس اچ 9 مئی واقعات اچ ملوث ملزمان بارے درج کیسز دے چالان پیش کرݨ دی اڳونہی دا وی جائزہ ڳھدا ڳیا۔ اجلاس اچ چیف سیکرٹری، آئی جی پولیس، ایڈیشنل چیف سیکرٹری، سیکرٹری قانون سودھا متعلقہ حکام شریک تھین۔
