وزیر خارجہ جلیل عباس جیلانی 26 اکتوبر کوں شنگھائی تعاون تنظیم دی کونسل آف ہیڈز آف گورنمنٹ دے اجلاس اچ شرکت کریسن

اسلام آباد۔23اکتوبر  (اے پی پی):وزیر خارجہ جلیل عباس جیلانی کرغزستان دی کابینہ دے چیئرمین عقیل بیک جاپاروف دی دعوت تے 26 اکتوبر کوں شنگھائی تعاون تنظیم (ایس سی او) دی کونسل آف ہیڈز آف گورنمنٹ دے 22 ویں اجلاس اچ پاکستانی وفد دی قیادت کریسن۔ دفتر خارجہ دی ترجمان توں جاری بیان موجب اجلاس اچ چین، قزاخستان، کرغزستان، روس، تاجکستان اتے ازبکستان دے سربراہان حکومت، ایران دے نائب صدر اتے پاکستان تے بھارت دے وزرا خارجہ شرکت کریسن ۔ ایس سی او اچ مبصر دا درجہ رکھݨ آلے ملکاں اچ بیلاروس اتے منگولیا دے نال ترکمانستان خصوصی دعوت تے اجلاس اچ شرکت کریسی ۔ شنگھائی تعاون تنظیم (ایس سی او) دی کونسل آف ہیڈز آف گورنمنٹ ݙوجھا ساریں توں وݙا فورم اے ، اے بنیادی طور تے معیشت، مالیات، تجارت اتے سماجی و اقتصادی تعاون دے شعبیں تے توجہ ݙیندے ۔پاکستان 26 اکتوبر 2023 کوں شنگھائی تعاون تنظیم (ایس سی او) دی کونسل آف ہیڈز آف گورنمنٹ دی صدارت سنبھلیسی ۔ وزیر خارجہ اجلاس دے موقع تے ݙو پاسے ملاقاتاں وی کریسن۔