خطے اچ امن کیتے کشمیر دے مسئلہ دا اقوام متحدہ دی قرارداداں دے مطابق حل ضروری اے، راجہ پرویز اشرف

اسلام آباد۔27اکتوبر  (اے پی پی) سپیکر قومی اسمبلی تے سابق وزیر اعظم پاکستان راجہ پرویز اشرف آکھیا جو کشمیر دا مسئلہ پاک ہند دی ونڈ دا ادھورا ایجنڈا اے، خطے اچ امن کیتے کشمیر دے مسئلہ دا اقوام متحدہ دی قرارداداں دے مطابق حل ضروری اے۔ پاکستان ہمیشہ علاقائی اتے عالمی فورمز تے کشمیر دے مسئلے دے منصفانہ حل کیتے آواز چاتی اے۔ انہاں کشمیری عوام نال یکجہتی کریندیں ہوئیں پاکستان دا کشمیری عوام دی سارے علاقائی اتے عالمی فورمز تے سیاسی، سفارتی اتے اخلاقی حمایت کوں جاری رکھݨ دا عزم کیتا۔ اے ڳالھیں انہاں کشمیر دے کالے ݙینھ دے موقع تے آکھی جیڑھا جو ہر سال 27 اکتوبر کوں منایا ویندے۔ انہاں مقبوضہ کشمیر اتے فلسطینی عوام دی اخلاقی، سیاسی اتے سفارتی حمایت جاری رکھݨ اتے انہاں تنازعیاں کوں عالمی سطح تے اجاگر کرݨ دا عزم کیتا۔