قومی اسمبلی دا اجلاس سݙݨ اچ کہیں قسم دا کوئی تعطل یا ڈیڈ لاک کائنی، انتخابات دے بعد قومی اسمبلی دا اجلاس 29 فروری تئیں سݙیا ونڄ سڳدے ، نگران وفاقی وزیر اطلاعات مرتضیٰ سولنگی

اسلام آباد۔20فروری  (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو قومی اسمبلی دا اجلاس سݙݨ اچ کوئی تعطل یا ڈیڈلاک کائنی ، آئین دے تحت انتخابات دے بعد قومی اسمبلی دا اجلاس 29 فروری تئیں سݙیا ونڄ سڳدے ، کہیں جماعت کنے سادہ اکثریت کائنی ، سیاسی جماعتاں وچال مذاکرات چلدے پئن ، آئین پاکستان اچ ہر صورتحال توں نکلݨ دا رستہ موجود اے۔ پارلیمنٹ ہائوس دے ٻاہروں میڈیا نال ڳالھ مہاڑ کریندے ہوئیں وفاقی وزیر اطلاعات آکھیے جو او لوک جیڑھے مختلف طرح نال لوکاں دی خذمت کریندن ، انہاں سانڳے آواز چاوݨی چاہیدی اے ، اوشاعر، موسیقار، فنکار، ڈرامہ نگار جیڑھے کروڑ پتی کائنی ، انہاں دی خدمات دا اعتراف ہووݨا چاہیدے ۔ انہاں آکھیے اشرافیہ دے کلبز کوں وی چاہیدے جو او ایجھے لوکاں دی خدمت دا اعتراف کرن۔