بی آئی ایس پی 6 بینکاں نال بی آئی ایس پی دے 9.3 ملین مستحق ٹٻراں کوں پیسے ونݙݨ کیتے معاہدے تے دستخط کرݙتن

اسلام آباد۔21فروری  (اے پی پی)بینظیر  انکم سپورٹ پروگرام (بی آئی ایس پی) 6 بینکاں نال بی آئی ایس پی دے 9.3 ملین مستحق ٹٻراں کوں پیسے ونݙݨ کیتے معاہدے تے دستخط کرݙتن۔ تقریب اچ چیئرپرسن  ڈاکٹر محمد امجد ثاقب، سیکرٹری بی آئی ایس پی عامر علی احمد، شراکت دار بینکاں دے سربراہان اتے بی آئی ایس پی دے ترقیاتی شراکت دار موجود ہن۔ ݙسایا ڳئے جو پہلے مرحلے اچ بی آئی ایس پی صرف ݙو بینکاں دی خدمات ڳھنسی، نویں ادائیگی نظام دے تحت بی آئی ایس پی کوں سالانہ 2 ارب روپے دی بچت تھیسی۔ 15 کلسٹرز اچ 6 بینک بی آئی ایس پی دے مستحقین کوں خدمات ݙیسن۔ انہاں بنکاں اچ بینک الفلاح، بینک آف پنجاب، موبی لنک مائیکرو فنانس، ٹیلی نار مائیکرو فنانس بینک، حبیب بینک لمیٹڈ اتے ایچ بی ایل مائیکرو فنانس شامل ہین۔ بنکاں دے ڳانݙھے نال مستحقین دی آگاہی اتے شکایات مکاوݨ کیتے ہک نظام وی ٻݨایا ڳئے۔ تقریب اچ شراکت دار بینکاں دے نمائندگان اتے بی آئی ایس پی ولوں ڈی جی این ایس ای آر نوید اکبر معاہداں دی دستاویزات تے دستخط کیتن۔