ݙو یا ودھ سیٹاں تے کامیاب امیدوار جتی ڳئی ودھ نشست توں دستبرداری سانڳے درخواست چیف الیکشن کمشنر دے ناں جمع کراون ، ترجمان الیکشن کمیشن

اسلام آباد۔22فروری (اے پی پی) الیکشن کمیشن  ݙو یا ݙو توں ودھ نشستاں تے کامیاب تھیوݨ آلے امیدواراں کوں آکھیے جو او ھک توں ودھ جتی ڳئی نشست توں دستبرداری سانڳے درخواست چیف الیکشن کمشنر دے ناں جمع کراون۔ خمیس کوں جاری بیان موجب ترجمان آکھیے جو امیدوار ھک توں ودھ نشستاں تے کامیاب تھئن انہاں سانڳے لازم اے جو او کوئی وی ھک نشست آپ کنے رکھ سڳدن ،آئین دے آرٹیکل (3)223 دے تحت کہیں وی اسمبلی دی نشست گھنݨ توں پہلے ما سوائے ھک نشست دے باقی ساریاں نشستاں توں استعفیٰ ݙیوݨ دے حوالے نال کامیاب امید وار بذات خود یا اپݨے مجاز نمائندہ جیں دی تصدیق اوتھ کمشنر دے ذریعے کیتی ڳئی ہووے ، نشست یا نشستاں توں دستبردار تھیوݨ دی درخواست بنام چیف الیکشن کمشنر،الیکشن کمیشن پاکستان سیکرٹریٹ اسلام آباد یا صوبائی الیکشن کمشنر پنجاب، سندھ، خیبر پختونخوااتے بلوچستان دے دفتر اچ جمع کراسڳدوݨ نتاں ٻئے آرٹیکل (2) 223 دے تحت 30 ݙینھ گزرݨ دے بعد ساریاں نشستاں خالی تصور کیتیاں ویسن ماسوائے ایں نشست دے جیں تے امید وار ساریں توں چھیکڑ تے کامیاب قرار پاتے۔