اسلام آباد۔26فروری(اے پی پی):نگران وفاقی وزیر برائے پارلیمانی امور مرتضیٰ سولنگی آکھیے جو نگران حکومت سرکاری ملکیتی اداریاں دا خسارہ ڳھٹاوݨ کیتے ودھ اقدامات کیتن، سرکاری اداریاں دی نجکاری اتے ٻیاں اصلاحات دا فیصلہ نویں حکومت کریسی۔ سینیٹ اچ سرکاری ملکیتی اداریاں دی کارکردگی بارے الیندے انہاں آکھیا جو ملک دے 2 سو توں ودھ خسارے آلے اداریاں دی نجکاری اتے بہتری سانڳے اقدامات دی لوڑھ اے ٻھل ایندا حتمی …
سرکاری ملکیتی اداریاں دا خسارہ مکاوݨ کیتے نجکاری اتے اصلاحات دا فیصلہ نویں حکومت کریسی، نگران وفاقی وزیر برائے پارلیمانی امور مرتضیٰ سولنگی
اسلام آباد۔26فروری(اے پی پی):نگران وفاقی وزیر برائے پارلیمانی امور مرتضیٰ سولنگی آکھیے جو نگران حکومت سرکاری ملکیتی اداریاں دا خسارہ ڳھٹاوݨ کیتے ودھ اقدامات کیتن، سرکاری اداریاں دی نجکاری اتے ٻیاں اصلاحات دا فیصلہ نویں حکومت کریسی۔ سینیٹ اچ سرکاری ملکیتی اداریاں دی کارکردگی بارے الیندے انہاں آکھیا جو ملک دے 2 سو توں ودھ خسارے آلے اداریاں دی نجکاری اتے بہتری سانڳے اقدامات دی لوڑھ اے ٻھل ایندا حتمی فیصلہ آندی حکومت کریسی، خسارے آلے اداریاں دا خسارہ 730 ارب روپے اے، نیٹ لاسز 160 ارب روپے تئیں ہین، حکومت اداریاں دی بہتری اتے نجکاری سانڳے چنڳے اقدامات کیتن، ایں سانڳے ہک پالیسی وی منظور کیتی ڳئی اے اتے وزارت خزانہ سنٹرل مانیٹرنگ یونٹ وی ٻݨائے ڳن۔ ایوان اچ سینیٹر مشتاق احمد، سینیٹر ثانیہ نشتر، سینیٹر محمد اکرم، سینیٹر کامل علی آغا، سینیٹر صابر شاہ اتے سینیٹر سیف اللہ ابڑو بحث اچ حصہ ڳھدے۔ بعد اچ پینل آف چیئرپرسن تحریک نمٹا ݙتی۔
