صدارتی انتخاب کیتے پولنگ 9 مارچ کوں تھیسی

اسلام آباد۔3مارچ(اے پی پی)الیکشن کمیشن صدارتی انتخاب دا شیڈول جاری کیتے جیندے مطابق پولنگ 9 مارچ کوں تھیسی۔ امیدوار کاغذات نامزدگی 2 مارچ ݙینھ 12 وڄے تئیں جمع کرا سڳدن۔ کاغذات دی پڑتال ریٹرننگ آفیسران 4 مارچ کوں 10 وڄے کریسن اتے امیدوار کاغذات نامزدگی 5 مارچ کوں 12 وڄے تئیں ولا چا سڳدن۔ 5 مارچ کوں ہی امیدواراں دی حتمی فہرست جاری کیتی ویسی اتے امیدوار 6 مارچ کوں ریٹائر تھی سڳسن۔ پولنگ 9 مارچ کوں 10 وڄے شام 4 وڄے تئیں ہوسی جیندے کیتے 5 پولنگ سٹیشن ٻݨائے ویسن اتے چارے صوبائی اسمبلیاں دیاں عمارتاں اچ پولنگ سٹیشناں تے صوبائی اسمبلیاں دے ارکان حق رائے دہی استعمال کریسن۔ قومی اسمبلی اتے سینیٹ دے ارکان کیتے پارلیمنٹ ہائوس بطور پولنگ سٹیشن استعمال کیتا ویسی۔