مسلح افواج عام انتخابات کیتے عوام کوں محفوظ ماحول ݙتے، مخصوص ایجنݙے کیتے غیر مصدقہ الزامات نال مسلح افواج کوں بدنام کرݨ قابل مذمت اے، کور کمانڈرز کانفرنس

راولپنڈی ۔5مارچ(اے پی پی):آرمی چیف جنرل سید عاصم منیر دی اڳواݨی اچ 263 ویں کور کمانڈرز کانفرنس تھئی جیندے اچ عام انتخابات اچ الیکشن کمیشن آف پاکستان دے مینڈیٹ دے مطابق، اوکھ دے باوجود محفوظ ماحول ݙیوݨ تے سول انتظامیہ، قانون نافذ کرݨ آلے اداریاں اتے سیکیورٹی فورسز دیاں کوششاں دی تعریف کریندے آکھیے جو مسلح افواج عام انتخابات کیتے عوام کوں محفوظ ماحول ݙتے، ایندا انتخابی عمل نال کوئی تعلق نئیں، کڄھ مخصوص سیاسی عناصر، سوشل میڈیا اتے میڈیا تے مداخلت دے غیر مصدقہ الزامات نال پاکستان دی مسلح افواج کوں بدنام کریندے پن ڄیڑھا قابل مذمت اے، ملک دے حقیقی مسلیاں تے توجہ ݙیوݨ دی بجائے مفاد پرست عناصر اپݨیاں ناکامیاں لکاوݨ کیتے سیاسی عدم استحکام اتے غیر یقینی کھنݙاوݨ چاہندن، بے جا الزامات اتے کوڑی بیان بازی دی بجائے ثبوت نال مناسب قانونی عمل کوں ٹوریا ونڄے۔ کانفرنس مرکز اتے صوبیاں اچ اقتدار دی جمہوری انداز اچ منتقلی تے اطمینان کریندے امید کیتی جو نویں حکومت آوݨ دے بعد ملک اچ سیاسی و معاشی استحکام ودھسی اتے امن و خوشحالی دی راہ نکلسی، عسکری قیادت چیلنجز و خطرات ڄاݨدی اے ڄیڑھی عوام دی حمایت نال اپݨیاں آئینی ذمہ داریاں پوریاں کریسی، مسلح افواج سیکورٹی خطرات نال نمٹݨ اتے سماجی و اقتصادی ترقی ودھاوݨ کیتے حکومت دا پورا ہتھ ونݙیسن، سمگلنگ، ذخیرہ اندوزی، بجلی چوری،  وَن ڈاکومنٹ رجیم اتے سارے غیر قانونی تارکین دی باعزت و محفوظ وطن واپسی سودھا ساریاں غیر قانونی سرگرمیاں روکݨ کیتے مدد کیتی ویسی۔ فورم عزم دوہرائے جو 9مئی دے منصوبہ سازاں، فساد کھنݙاوݨ آلیاں، شہداء دی یادگاراں دی بے حرمتی کرݨ آلیاں اتے فوجی تنصیبات تے حملہ کرݨ آلیاں کوں قانون و آئین دے مطابق انصاف دے کٹہرے اچ ڳھن آیا ویسی۔ فورم مقبوضہ جموں و کشمیر تے پاکستان دا موقف دوہریندے فلسطینی ٻھراواں نال وی یکجہتی کیتے۔ آرمی چیف فیلڈ کمانڈرز کوں آپریشنز دے دوران پیشہ ورانہ مہارت، آپریشنل تیاری اتے حوصلہ افزائی دے اعلیٰ معیار اتے فارمیشناں دی تربیت اچ بہترین کارکردگی تے زور ݙتے۔ آئی ایس پی آر آکھیے جو فورم مسلح افواج دے افسران، جواناں،  قانون نافذ کرݨ آلے اداریاں اتے شہریاں سودھا شہداء دی عظیم قربانیاں کوں زبردست خراجِ عقیدت پیش کیتے۔