معروف لوک گلوکار پٹھانے خان دی برسی چھݨ چھݨ کوں منائی ڳئی

اسلام آباد۔9مارچ  (اے پی پی) معروف  لوک گلوکار پٹھانے خان  دی برسی چھݨ چھݨ کوں منائی ڳئی۔ پٹھانے خان دا اصل ناں غلام محمد ہئی اتے او 1926 اچ تبووالا نزد سنانواں، کوٹ ادو اچ ڄمیے ہن۔ 16 سال دی عمر اچ انہاں ملتان دے مشہور گلوکار استاد امیر خان توں موسیقی سکھݨ شروع کیتی۔  پٹھانے خان 10 سال تئیں مسلسل 12 گھنٹے روزانہ ریاض کریندے ہن اتے ولا انہاں وستی وستی ونڄ تے کافیاں ڳاوݨ شروع کیتی۔ ہولے ہولے او ریڈیو اتے ٹیلی ویژن تے وی ڳاوݨ لڳے اتے انہاں دی شہرت پورے ملک تئیں پڄ ڳئی۔ حکومت پاکستان انہاں کوں صدارتی تمغہ برائے حسن کارکردگی عطا کیتا ہئیَ۔ پٹھانے خان   9 مارچ 2000   کوں کوٹ ادو اچ وفات پا ڳئے اتے انہاں کوں اتھائیں دفنایا ڳئیا۔