راولپنڈی ۔9مارچ (اے پی پی) چیف آف آرمی سٹاف جنرل سید عاصم منیر دا رحیم یار خان دے نیڑے تربیتی علاقے اچ فیلڈ ایکسرسائز اچ مصروف فوجی دستیاں دا دورہ کیتا اتے فوجی مشق شمشیر صحرا دا معائنہ کیتا۔ پاک فوج دے شعبہ تعلقات عامہ (آئی ایس پی آر) ولوں چھݨ چھݨ کوں جاری پریس ریلیز موجب ایں موقع تے چیف آف آرمی سٹاف کوں شمشیر صحرا بارے بریفنگ ݙتی …
چیف آف آرمی سٹاف جنرل سید عاصم منیر دا رحیم یار خان دے نیڑے تربیتی علاقے اچ فیلڈ ایکسرسائز اچ مصروف فوجی دستیاں دا دورہ ، آئی ایس پی آر
مزید خبراں
راولپنڈی ۔9مارچ (اے پی پی) چیف آف آرمی سٹاف جنرل سید عاصم منیر دا رحیم یار خان دے نیڑے تربیتی علاقے اچ فیلڈ ایکسرسائز اچ مصروف فوجی دستیاں دا دورہ کیتا اتے فوجی مشق شمشیر صحرا دا معائنہ کیتا۔ پاک فوج دے شعبہ تعلقات عامہ (آئی ایس پی آر) ولوں چھݨ چھݨ کوں جاری پریس ریلیز موجب ایں موقع تے چیف آف آرمی سٹاف کوں شمشیر صحرا بارے بریفنگ ݙتی ڳئی۔ ایں مشق دا مقصد آپریشنل ماحول اچ مستقبل دے چیلنجز نال نبڑݨ کیتے درکار پیشہ وارانہ مہارتاں اتے میدان اچ جنگ دے طریقہ کار کوں ودھاوݨ اے۔ چیف آف آرمی سٹاف آپݨے دورے دے موقع تے آرمر ، انفنٹری ، مشینائیزڈ انفنٹری ، آرٹلری ، ایئر ڈیفنس اتے اینٹی ٹینک گائیڈڈ میزائلز دے فائرز سودھے مختلف ہتھیاراں دی مربوط فائرنگ اتے جنگی مشقاں ݙٹھی۔ مشق اچ پاک فضائیہ دے طیاریاں وی حصہ ڳھدا۔ ایں مشق اچ الیکٹرانک وار فیئر دی صلاحیتاں اتے معلوماتی آپریشنز کوں وی شامل کیتا ڳئیا، ایں توں پہلے فیلڈ ایریا پڄݨ تے کورکمانڈر کراچی اتے انسپکٹر جنرل ٹریننگ اینڈ ایلویلیوایشن آرمی چیف دا استقبال کیتا۔
