اسلام آباد۔12مارچ (اے پی پی):وزیرِ اعظم محمد شہباز شریف ملکی آئی ٹی برآمدات ودھاوݨ سانڳے جامع روڈ میپ بݨاوݨ دی ہدایت کریندے ہوئیں آکھیے جو ملک اچ ارباں ڈالر دی آئی ٹی برآمدات دی استعداد توں بھرپور فیدہ چاوݨ سانڳے اقدامات چاتے ویسن ،نینگراں کوں آئی ٹی دے شعبے اچ تعلیم و ہنر اتے اسٹارٹ اپس کوں درکار سہولتاں ݙتیاں ویسن ۔ وزیراعظم آفس دے میڈیاونگ توں جاری بیان موجب …
وزیراعظم محمدشہبازشریف دی آئی ٹی برآمدات اچ ودھارے سانڳے واضح روڈ میپ بݨا تے پیش کرݨ دی ہدایت
مزید خبراں
اسلام آباد۔12مارچ (اے پی پی):وزیرِ اعظم محمد شہباز شریف ملکی آئی ٹی برآمدات ودھاوݨ سانڳے جامع روڈ میپ بݨاوݨ دی ہدایت کریندے ہوئیں آکھیے جو ملک اچ ارباں ڈالر دی آئی ٹی برآمدات دی استعداد توں بھرپور فیدہ چاوݨ سانڳے اقدامات چاتے ویسن ،نینگراں کوں آئی ٹی دے شعبے اچ تعلیم و ہنر اتے اسٹارٹ اپس کوں درکار سہولتاں ݙتیاں ویسن ۔ وزیراعظم آفس دے میڈیاونگ توں جاری بیان موجب اے ڳالھ انہاں منڳل کوں آپݨی زیرصدارت آئی ٹی شعبے دے حوالے نال اعلی سطحی جائزہ اجلاس اچ ڳالھ مہاڑ کریندے ہوئیں آکھی اے ۔ اجلاس اچ وفاقی وزیر خزانہ محمد اورنگزیب، وفاقی وزیرِ اقتصادی امور و اسٹیبلشمنٹ احد خان چیمہ، وزیرِ مملکت انفارمیشن ٹیکنالوجی شزہ فاطمہ خواجہ، گورنر اسٹیٹ بنک جمیل احمد، شہزاد سلیم اتے متعلقہ اعلی حکام شرکت کیتی۔وزیراعظم آکھیے ملک اچ ارباں ڈالر دی آئی ٹی برآمدات دی استعداد توں بھرپور فیدہ چاوݨ سانڳے اقدامات چیسو نینگراں کوں آئی ٹی دے شعبے اچ تعلیم و ہنر اتے اسٹارٹ اپس کوں درکار سہولتاں ݙیسوں ۔
