اسلام آباد۔14مارچ (اے پی پی) وفاقی وزیر توانائی تے پٹرولیم مصدق ملک وفاقی حکومت دے معاشی تے سماجی اقدامات دا خاکہ پیش کریندیں ہوئیں آکھیا جو وفاقی حکومت دا معاشی اتےسماجی اقدامات دا خاکہ پیش، شہری اتے دیہی علاقیاں دی ترقی کیتے حکمت عملی ٻݨا ڳھدی ڳئی اے۔ زرعی انقلاب کیتے کساناں کوں ڳھٹ نرخ تے کھاد ݙتی ویسی، ودھ پیداوار آلے معیار بڄ کساناں کوں ݙتے ویسن، پاݨی ݙیوݨ …
وفاقی حکومت دا معاشی اتےسماجی اقدامات دا خاکہ پیش، شہری اتے دیہی علاقیاں دی ترقی کیتے حکمت عملی ٻݨا ڳھدی ڳئی اے، وفاقی وزیر توانائی تے پٹرولیم مصدق ملک دی پریس کانفرنس
اسلام آباد۔14مارچ (اے پی پی) وفاقی وزیر توانائی تے پٹرولیم مصدق ملک وفاقی حکومت دے معاشی تے سماجی اقدامات دا خاکہ پیش کریندیں ہوئیں آکھیا جو وفاقی حکومت دا معاشی اتےسماجی اقدامات دا خاکہ پیش، شہری اتے دیہی علاقیاں دی ترقی کیتے حکمت عملی ٻݨا ڳھدی ڳئی اے۔ زرعی انقلاب کیتے کساناں کوں ڳھٹ نرخ تے کھاد ݙتی ویسی، ودھ پیداوار آلے معیار بڄ کساناں کوں ݙتے ویسن، پاݨی ݙیوݨ کیتے کساناں کوں سولر ٹیوب ویل ملسن۔ شہری علاقیاں کیتے چھوٹے کاروباری یونٹس ٻݨائے ویسن، بینکاں کوں پابند کیتا ویسی جو چھوٹے یونٹس کوں قرضے ݙیون، پںج لکھ طلباء تے طالبات کوں مصنوعی ذہانت دی تربیت ݙتی ویسی۔ قابل تجدید توانائی دے منصوبے شروع کیتے ویسن۔ غریب ٻالاں کیتے دانش سکول سویں تعلیمی ادارے ٻݨائے ویسن۔ گردشی قرضے کوں کائںا ودھݨ ݙتا ویسی۔ بجلی دی پیداواری لاگت ،لائن لاسز اچ ڳھٹکی اتے بجلی چوری روکݨ کیتے اقدامات کیتے ویسن۔ سحری تے افطاری ویلھے لوڈشیڈنگ کائنا تھیسی۔ اے ڳالھیں انہاں خمیس کوں پریس کانفرنس توں خطاب کریندیں ہوئیں آکھی۔ انہاں آکھیا جو معاشرتی تناؤ کوں ڳھٹ کرݨ کیتے اقدامات ضروری ہن۔ کوشش اے جو تناؤ کوں ختم کروں اتے رواداری دی فضا ٻݨائی ونڄے۔
