یوسف رضا گیلانی اسلام آباد دی سینیٹ دی نشست تے 204 ووٹ ڳھن تے سینیٹر ٻݨ ڳن

اسلام آباد۔14مارچ(اے پی پی):پاکستان پیپلز پارٹی دے امیدوار سید یوسف رضا گیلانی وفاقی دارالحکومت اسلام آباد دی سینیٹ کیتے نشست تے 204 ووٹ ڳھن تے 6 سالاں کیتے سینیٹر چݨیڄ ڳن ڄݙاں جو انہاں دے مقابلے اچ سنی اتحاد کونسل دے امیدوار الیاس مہربان 88 ووٹ ڳھدن۔ قومی اسمبلی ہال اچ وفاقی دارالحکومت اسلام آباد دی سینیٹ دی ہک جنرل نشست کیتے ارکان قومی اسمبلی ووٹ پاتن۔ شام چار وڄے پولنگ دا ویلھا مکݨ تے امیدواراں دے پولنگ ایجنٹاں دے سامݨے ڳݨتری تھئی جیندے بعد پریذائیڈنگ افسر ظفر اقبال ملک نتیجہ سݨائے جو پاکستان پیپلز پارٹی دے امیدوار سید یوسف رضا گیلانی 204 اتے سنی اتحاد کونسل دے امیدوار چوہدری الیاس مہربان 88 ووٹ ڳھدن۔