اسلام آباد۔14مارچ(اے پی پی):وفاقی وزیر برائے دفاع، دفاعی پیداوار و ہوابازی خواجہ محمد آصف آکھیے جو پاکستان دی ہوابازی دی صنعت کوں ملک دے جی ڈی پی اچ حصہ ودھاوݨ کیتے ترقی ݙیوݨ دی لوڑھ اے، پی آئی اے سی ایل دی نجکاری حکومت دی ترجیح ہوسی، روزویلٹ ہوٹل دے مکس یوز ری ڈیولپمنٹ کیتے مشترکہ منصوبہ قابل تعریف اے۔ اے ڳالھ انہاں اجلاس دی اڳواݨی کریندے آکھی۔ اجلاس اچ …
وفاقی وزیر خواجہ محمد آصف دی اڳواݨی اچ اجلاس، قومی ایوی ایشن پالیسی 2023، صنعتاں دے چیلنجز، مختلف ملکاں نال فضائی خدمات دے معاہداں تے بریفنگ
اسلام آباد۔14مارچ(اے پی پی):وفاقی وزیر برائے دفاع، دفاعی پیداوار و ہوابازی خواجہ محمد آصف آکھیے جو پاکستان دی ہوابازی دی صنعت کوں ملک دے جی ڈی پی اچ حصہ ودھاوݨ کیتے ترقی ݙیوݨ دی لوڑھ اے، پی آئی اے سی ایل دی نجکاری حکومت دی ترجیح ہوسی، روزویلٹ ہوٹل دے مکس یوز ری ڈیولپمنٹ کیتے مشترکہ منصوبہ قابل تعریف اے۔ اے ڳالھ انہاں اجلاس دی اڳواݨی کریندے آکھی۔ اجلاس اچ سیکرٹری ایوی ایشن، قومی ایوی ایشن پالیسی 2023، صنعتاں دے چیلنجز، مختلف ملکاں نال فضائی خدمات دے معاہداں تے بریفنگ ݙتی۔ اجلاس اچ وزارت دے ماتحت اداریاں ڄیویں پاکستان ایئر لائنز کارپوریشن لمیٹڈ، پاکستان سول ایوی ایشن اتھارٹی، پاکستان ایئرپورٹ اتھارٹی، بیورو آف ایئر سیفٹی انویسٹی گیشن، ایئر پورٹ سیکیورٹی فورسز اتے محکمہ موسمیات بارے وی بریفنگ ݙتی گئی۔ اجلاس اچ وفاقی سیکرٹری سیف انجم، چیف ایگزیکٹو افسر پی آئی اے سی ایل ائیر مارشل عامر حیات، ڈی جی سول ایوی ایشن اتھارٹی خاقان مرتضی، ڈی جی اے ایس ایف میجر جنرل آصف عدنان جاہ، چیرمین پی آئی اے آئی ایل شوکت علی، ڈی جی پی ایم ڈی صاحب زاد خان اتے ٻئے اعلی افسران شرکت کیتی۔
