ملک دشمن جماعت ہݨ آئی ایم ایف پروگرام کوں خراب کرݨ چاہندی اے، وفاقی وزیر اطلاعات ونشریات عطاء اللہ تارڑ

اسلام آباد۔15مارچ(اے پی پی):وفاقی وزیر اطلاعات و نشریات عطاءاللہ تارڑ آکھیے جو 9 مئی کوں اداریاں تے حملے اتے شہدا دی یادگاراں کوں ٻھںݨ آلی ملک دشمن جماعت ہݨ آئی ایم ایف پروگرام کوݨ خراب کرݨ چاہندی اے، ملک دشمن عناصر دیاں سازشاں دا آئی ایم ایف ڈیل تے کوئی اثر نہ پوسی۔ اے ڳالھ انہاں پی ٹی وی ہیڈکواٹرز اچ پریس کانفرنس کریندے آکھی۔ انہاں آکھیا ڄݙاں دی اے حکومت ٻݨی اے معاشی بحالی اتے اصلاحات دیاں چنڳیاں خبراں آندیاں پن، بلومبرگ ڄھیں عالمی جریدے وزیر خزانہ دی تقرری کوں بہترین فیصلہ قرار ݙیندے پن، پورا ڄڳ وزیراعظم دی صلاحیت، مالیاتی اداراں نال مذاکرات، ملک کوں ݙیوالہ تھیوݨ تؤں بچاوݨ اتے معیشت کوں تکڑا کرݨ دیاں کوششاں کوں منیدی پئی اے، وزیر خزانہ تیکھے ملک دے معاشی مسلے حل کر ڳھنسن، اے ملک پہلے تے سیاست بعد اچ اے، اساں اڄ ہک آزاد فضا اچ ہیں ملک ہݨ اڳو تے ودھسی۔ انہاں آکھیا جو سٹاک ایکس چینج اچ بہتری آندی پئی اے، اساں میثاق معیشت چاہندے ہیں، لوکان ساکوں ووٹ ݙے تے اتھاں ٻھیڄیے اساں اپݨی رت تے پڳھر نال اے ملک سنوریسوں۔