اسلام آباد۔17مارچ (اے پی پی):وزیراعظم محمد شہباز شریف نال قلعہ سیف اللہ، بلوچستان دے طالب علم اکرام اللہ ملاقات کیتی اے ۔ وزیر اعظم آفس میڈیا ونگ توں جاری اعلامیہ موجب وزیراعظم اکرام اللہ دا وزیراعظم ہاؤس اچ استقبال کیتا۔وزیراعظم محمد شہباز شریف آکھیے سال 2022 دے تباہ کن سیلاب پاروں میݙے قلعہ سیف اللہ دے دورے اچ اکرام اللہ میکوں خسنوب دے امدادی خیمے اچ ملیا ہئی ، اکرام …
وزیراعظم محمد شہباز شریف نال قلعہ سیف اللہ بلوچستان دے طالب علم اکرام اللہ دی ملاقات
اسلام آباد۔17مارچ (اے پی پی):وزیراعظم محمد شہباز شریف نال قلعہ سیف اللہ، بلوچستان دے طالب علم اکرام اللہ ملاقات کیتی اے ۔ وزیر اعظم آفس میڈیا ونگ توں جاری اعلامیہ موجب وزیراعظم اکرام اللہ دا وزیراعظم ہاؤس اچ استقبال کیتا۔وزیراعظم محمد شہباز شریف آکھیے سال 2022 دے تباہ کن سیلاب پاروں میݙے قلعہ سیف اللہ دے دورے اچ اکرام اللہ میکوں خسنوب دے امدادی خیمے اچ ملیا ہئی ، اکرام اللہ دا خاندان سیلاب توں شدید متاثر تھیا ہئی ۔ انہاں آکھیے اکرام اللہ تعلیم حاصل کرݨ دے موقع دی عدم موجودگی تے کاوڑ کیتی ہئی ،اکرام اللہ اوں ویلھے اعلی تعلیم حاصل کرݨ ڈی خواہش ظاہر کیتی ہئی ۔ وزیراعظم محمد شہباز شریف مزید آکھیے میکوں اڄ ݙیکھ تے خوشی اے جو اکرام اللہ ھک پر اعتماد، پر جوش، فرمانبردار اتے سلجھا ہوا طالب علم بݨ چکے۔وزیراعظم اکرام اللہ کوں قلم اتے نصابی سرگرمیاں اچ مدد سانڳے آپݨی ذاتی حیثیت اچ ٹیبلیٹ دا تحفہ ݙتاتے امید ظاہر کیتی جو اے تعلیم دے حصول اچ اکرام اللہ سانڳے مفید ثابت تھیسی۔ملاقات اچ وزیراعظم محمد شہباز شریف آکھیے خادم اعلیٰ پنجاب دے طور تے ہونہار طلباء کوں میرٹ تے سکالرشپ تے ٻاہرلے ملک بھیڄݨ دی سکیم شروع کیتی ہئی تے ایں طرز تے وفاقی سطح تے طلباء سانڳے سکالرشپ دا منصوبہ گھن آسوں ، تعلیم ہی ساݙے ملک دی تقدیر بدل سڳدی اے ۔وزیرِ اعظم محمد شہباز شریف نال ملاقات اچ اکرام اللہ وزیرِ اعظم دا شکریہ ادا کیتے تے وزیرِ اعظم دے اقدام کوں زندگی بدلݨ دا وسیلہ قرار ݙتا۔
