اسلام آباد۔18مارچ (اے پی پی) صدر مملکت آصف علی زرداری نال متحدہ عرب امارات دے سفیر عماد عبید ابراہیم سلیم الزابی ملاقات کیتی جئین اچ صدرمملکت متحدہ عرب امارات نال ݙوپاسہ تعاون دے شعبیاں اچ تعاون ودھاوݨ تے زور ݙتا۔ ایوان صدر دے پریس ونگ توں جاری بیان موجب صدرمملکت ملاقات اچ آکھیا جو تجارت، معیشت، ہوا بازی، قابل ِتجدید توانائی، موسمیاتی تبدیلی اتے انسانی وسائل دی ترقی دے شعبیاں …
صدر مملکت آصف علی زرداری نال متحدہ عرب امارات دے سفیر عماد عبید ابراہیم سلیم الزابی دی ملاقات
اسلام آباد۔18مارچ (اے پی پی) صدر مملکت آصف علی زرداری نال متحدہ عرب امارات دے سفیر عماد عبید ابراہیم سلیم الزابی ملاقات کیتی جئین اچ صدرمملکت متحدہ عرب امارات نال ݙوپاسہ تعاون دے شعبیاں اچ تعاون ودھاوݨ تے زور ݙتا۔ ایوان صدر دے پریس ونگ توں جاری بیان موجب صدرمملکت ملاقات اچ آکھیا جو تجارت، معیشت، ہوا بازی، قابل ِتجدید توانائی، موسمیاتی تبدیلی اتے انسانی وسائل دی ترقی دے شعبیاں کوں ودھاوݨا پوسی۔ ایئربس اے 380 دی کمرشل پروازاں شروع کرݨ سودھے ہوابازی دے شعبے اچ تعاون ودھاوݨ دی لوڑھ اے۔ ہوابازی دے شعبے اچ ودھدے ہوئے تعاون نال متحدہ عرب امارات اچ رہݨ آلے پاکستانیاں کوں سہولت ملسی۔ انہاں آکھیا جو اماراتی کاروباری ادارے پاکستان اسٹاک ایکسچینج اچ سرمایہ کاری کرن،اماراتی کاروبار پاکستانی معیشت اچ جدید خیالات اتے سرمایہ کاری کر سڳدن۔ ایں موقع تے متحدہ عرب امارات دے سفیر اقتصادی سفارت کاری تے توجہ ݙیوݨ تے زور ݙیندیں ہوئیں آکھیا جو متحدہ عرب امارات دی وݙی کمپنیاں پاکستان اچ مختلف شعبیاں اچ سرمایہ کاری کرݨ چاہندن۔
