لاہور۔24مارچ(اے پی پی):وزیراعظم محمد شہباز شریف ریکوڈک منصوبے بارے سرکاری سطح تے سارے فریقین نال مشاورت دی ہدایت کریندے آکھیے جو منصوبے اچ رکاوٹ برداشت نا کیتی ویسی، بلوچستان اچ معدنیات توں فیدہ چاوݨ کیتے موصلاتی ڈھانچے دی منصوبہ سازی کیتی ونڄے۔ او لاہور اچ منصوبے بارے جائزہ اجلاس دی اڳواݨی کریندے پئے ہن۔ اجلاس اچ بیرک گولڈ کمپنی دے وفد چیف ایگزیکٹو آفیسر مارک برسٹوو دی اڳواݨی اچ وڈیو …
ریکوڈک منصوبے بارے سرکاری طور تے فریقین نال صلاح کیتی ونڄے، وزیراعظم محمد شہباز شریف
لاہور۔24مارچ(اے پی پی):وزیراعظم محمد شہباز شریف ریکوڈک منصوبے بارے سرکاری سطح تے سارے فریقین نال مشاورت دی ہدایت کریندے آکھیے جو منصوبے اچ رکاوٹ برداشت نا کیتی ویسی، بلوچستان اچ معدنیات توں فیدہ چاوݨ کیتے موصلاتی ڈھانچے دی منصوبہ سازی کیتی ونڄے۔ او لاہور اچ منصوبے بارے جائزہ اجلاس دی اڳواݨی کریندے پئے ہن۔ اجلاس اچ بیرک گولڈ کمپنی دے وفد چیف ایگزیکٹو آفیسر مارک برسٹوو دی اڳواݨی اچ وڈیو لنک شرکت کیتی۔ وزیر اعظم ریکوڈک منصوبے تے کم کرݨ آلے عملے، ریکوڈک توں بندرگاہ تئیں لاجسٹکس اتےآمدورفت سانڳے مکمل سیکیورٹی دی ہدایت کیتی اتے آکھیے جو ریکوڈک منصوبے کوں سڑک نال گوادر تئیں جوڑݨ کیتے روڈ نیٹ ورک دی اپ گریڈیشن تیکھے اتے انوائرمنٹ اینڈ سوشل ایمپیکٹ اسیسمنٹ مکمل کیتی ونڄٖ، نویاں سڑکاں تیکھے مکمل تھیوݨیاں چاہیدن، ریکوڈک دی گوادر بندر گاہ تئیں ریل روڈ نیٹ ورک دی فزیبیلٹی کیتے حکمت عملی ٻݨائی ونڄے، نویں ریلوے نال مقامی لوکاں کوں سوکھ ملسی اتے معدنیات نال ٻھریے ضلع چاغی کوں فیدہ تھیسی اتے کان کنی دی صنعت ترقی کریسی۔ وزیراعظم ریکوڈک روڈ اینڈ ریل کنیکٹوٹی تے آندے ہفتے تفصیلی بریفنگ منڳ ڳھدی۔ اجلاس اچ وفاقی وزیر خزانہ و محصولات محمد اورنگزیب، وزیر پیٹرولیم مصدق ملک، ڈپٹی چیئرمین پلاننگ کمیشن محمد جہانزیب اتے متعلقہ اعلی سرکاری افسران شرکت کیتی۔
