ایں سال دا پہلا چندر گرہن سنوار کوں تھیسی

لاہور۔24مارچ(اے پی پی) سال 2024 دا پہلا چندر گرہن سنوار(25 مارچ) کوں تھیسی۔ چندر گرہن پاکستان اچ نا ݙکھیج سڳسی۔ جزوی چندر گرہن اچ زمین دا ٻہوں ڳھٹ پچھاوں چندر تے ݙسسی جیندے نال چندر دا کوئی وی حصہ نئیں لکدا، اینڄھے چندر گرہن کوں” پینمبرل” چندر گرہن آہدن۔ کہا جاتا ہے، ” پینمبرل” چندر گرہن اچ چندر دی چانݨی معمولی ڄھیں ݙھیلی تھی ویندی اے۔ اے چندر گرہن امریکہ، یورپ دے کڄھ ملکاں، آسٹریلیا، افریقہ، شمالی و مشرقی ایشیا اچ نظر آسی ڄݙاں جو اے پاکستان سودھا بھارت اچ وی نا ݙٹھا ونڄ سڳسی۔ چندر گرہن 25 مارچ کوں سویلے 9 وڄ تے 53 منٹ تے شروع تھیسی اتے ݙینھ 12 وڄ تے 12 منٹ تے عروج تے ہوسی۔ چندر گرہن ݙینھ 2 وڄ تے 32 منٹ تے مکسی اتے ایندا دورانیہ 4 گھنٹے 40 منٹ ہوسی۔