پاکستان مختلف عقیدے ، نسلاں،ثقافتاں تے زباناں دا حسین امتزاج اے،وزیراعظم محمد شہباز شریف دی ہندو برادری کوں’’ہولی‘‘دی مبارخ

اسلام آباد۔25مارچ(اے پی پی) وزیراعظم محمد شہباز شریف  ہندو برادری  کوں’’ہولی‘‘ دے تہوار دی مبارخ ݙیندے ہوئیں آکھیے جو اساکوں فخر اے جو پاکستان مختلف عقیدے، نسلاں،ثقافتاں اتے زباناں دا حسین امتزاج اے،آؤ اساں سارے رل تے ملکی ترقی و خوشحالی دے مشترکہ ہدف سانڳے کم کروں ۔وزیراعظم آفس دے پریس ونگ موجب وزیر اعظم محمد شہباز شریف ہولی دے موقع تے آپݨے پیغام اچ آکھیے جو میں پوری دنیا خصوصاً پاکستان اچ رہݨ آلے ہندو برادری دے لوکاں کوں رنگاں دے تہوار’’ہولی‘‘ دے پرمسرت موقع تے مبارخ ݙینداں ،اساکوں فخر اے جو پاکستان مختلف عقیدے ، نسلاں اتے ثقافتاں اتے زباناں دا حسین امتزاج اے،آؤ اساں سارے رل تے ملکی ترقی و خوشحالی دے مشترکہ ہدف سانڳے کم کروں ۔وزیراعظم آکھیے میں دعا کرینداں جو موسم بہار دی آمد اساں ساریں سانڳے نویں شروعات، امید اتے خوشی دا پیام ثابت تھیوے۔