کشمیریاں کوں انہاں دے قدرتی وسائل دے حق توں محروم کرݨ دے بھارتی حکومتی اقدامات قانونی اتے استحصالی ہن، ترجمان دفتر خارجہ

اسلام آباد۔28مارچ (اے پی پی) پاکستان آکھیے جو بھارتی قابض حکام اپݨے غیر قانونی طور تے زیر قبضہ جموں و کشمیر اچ دریافت تھیوݨ آلے لیتھیم دے ذخیرے دے کجھ بلاکس کوں نیلام کرݨ دی تیار کریندے پئن ۔ اے خدشات ہن جو مقبوضہ علاقے توں ٻاہر دی کارپوریشناں کوں کشمیری عوام دے ایں قیمتی وسائل توں فیدہ چاوݨ دے ٹھیکے ݙتے ویسن ۔ ترجمان دفتر خارجہ ممتاز زہرہ بلوچ پریس بریفنگ اچ آکھیے جو قابض حکام دی طرفوں کشمیریاں کوں انہاں دے قدرتی وسائل دے حق توں محروم کرݨ دے اقدامات قانونی اتے استحصالی ہن۔ ترجمان آکھیے جو بھارت دے غیر قانونی طور تے زیر قبضہ جموں و کشمیر کوں ایندے قدرتی وسائل توں محروم نی تھیوݨا چاہیدا ۔ انہاں آکھیے جو کشمیر دے لوکاں دا آپݨے وطن دی دولت تے ساریں توں زیادہ حق اے جیں اچ لیتھیم جیہی قیمتی دھات وی شامل اے ۔ ترجمان آکھیے جو پاکستان اقوام متحدہ دی سلامتی کونسل دی قرارداداں موجب جھیڑا جموں و کشمیر دے منصفانہ اتے پرامن حل سانڳے کشمیریاں دی سیاسی، سفارتی اتے اخلاقی حمایت جاری رکھیسی۔