تربیلا اچ پاݨی گھٹ تھیوݨ پاروں بجلی گھر دے 14 پیداواری یونٹ بند تھی ڳئن

ہری پور ۔ 29 مارچ (اے پی پی) تربیلا ڈیم توں پاݨی دے اخراج اچ کمی توں تربیلا بجلی گھر دے 14 پیداواری یونٹ بند، صرف ترائے یونٹ بجلی بݨیندے پئن ۔ تفصیل موجب تربیلا ڈیم دے شعبہ تعلقات عامہ ݙسائے جو تربیلاڈیم اچ پاݨی گھٹ تھیوݨ پاروں بجلی گھر دے 14 پیداواری یونٹ بند تھئن جیں دی وجہ توں بجلی دی پیداوار ٻئی گھٹ ڳئی اے ،صرف ترائے یونٹ بجلی بݨیندے پئن جنہاں توں 310 میگاواٹ بجلی بݨدی پئی اے ۔تربیلا ڈیم اچ پاݨِی دی آمد 19 ہزار 5 سو کیوسک جݙاں جو پاݨی دا اخراج 35 ہزار کیوسک کرݙتا ڳئے ۔ ڈیم اچ پاݨی دی سطح گھٹ تھی تے 1416.13 فٹ تے پڄ ڳئی اے ۔