وفاقی کابینہ دی اسلام آباد ہائیکورٹ دے چھی ججاں دے خط تے انکوائری کمیشن ٻݨاوݨ دی منظوری

لاہور۔30 مارچ(اے پی پی)وفاقی کابینہ اسلام آباد ہائی کورٹ دے چھی ججاں دے خط تے انکوائری کمیشن ٻݨاوݨ دی منظوری ݙیندے سابق چیف جسٹس پاکستان تصدق حسین جیلانی کوں انکوائری کمیشن دا سربراہ ٻݨا ݙتے۔ وفاقی کابینہ انکوائری کمیشن دی شرائط کار (ٹی اوآرز) دی وی منظوری ݙتی۔ وزیراعظم محمد شہبازشریف دی اڳواݨی اچ وفاقی کابینہ دا اجلاس تھئے جیندے اچ 25 مارچ کوں اسلام آباد ہائیکورٹ دے 6 معزز جج صاحبان دے خط دے مندرجات تے غور کیتے۔ اجلاس سپریم کورٹ دے فل کورٹ اعلامیے دے مطابق چیف جسٹس پاکستان دی وزیر اعظم نال ملاقات اچ انکوائری کمیشن ٻݨاوݨ دی تجویز موجب انکوائری کمیشن ٻݨاوݨ دی منظوری ݙتی۔ کمیشن ٹی۔او۔آرز دے مطابق معزز جج صاحبان دے الزامات دی چھان بین کریسی، کیا کوئی اہلکار براہ راست مداخلت اچ ملوث ھا؟ کمیشن اپنی تحقیق میں سامنے آنے والے حقائق کی بنیاد پر کسی ایجنسی، محکمے یا حکومتی ادارے دے خلاف کارروائی تجویز کیتی ویسی۔ کابینہ ججاں دے خط ایگزیکٹو دی مداخلت دے الزام مسترد کریندے انہاں کوں نامناسب قرار ݙتے جو دستور پاکستان 1973 دے 3 ریاستی اداراں اچ اختیارات ونݙݨ دے اصول تے یقین رکھدے ہیں۔ن٘ وزیر اعظم عدلیہ دی آزادی اتے دستوری اختیارات سانڳے کابینہ کوں خط دے بعد اپݨی مشاورت اتے چیف جسٹس پاکستان نال ملاقات تے اعتماد اچ ڳھدے۔