رمضان المبارک دا ݙوڄھا عشرہ مکمل، ملک بھر اچ لکھاں فرزندان اسلام اعتکاف ٻیھ ڳن

اسلام آباد۔31مارچ(اے پی پی)رمضان المبارک دا ݙوڄھا عشرہ مکمل تھی ڳئے اتے آڈت 20 رمضان المبارک کو ں دیگر دی نماز دے بعد ملک بھر اچ لکھاں فرزندان اسلام اعتکاف ٻیھ ڳن۔ اعتکاف رمضان المبارک دے آخری 10 ݙینھ اچ اللہ تعالیٰ دیاں رحمتں اتے سنت رسول صلی اللہ علیہ وسلم دی پیروی کیتے کریندے۔ چھیکڑی عشرے اچ اعتکاف ٻاھوݨ آلے مرد مسیتاں تئیں محدود راہسن ڄݙاں جو تریمتیں اپݨے گھراں اچ انڄھ اعتکاف ٻاھسن اتے نماز ، تلاوت کلام مجید اتے عبادات کریسن۔ اعتکاف دا مطلب ” کہیں شے نال لگن اتے ایندے تے قائم رہݨ”۔ ملک بھر دیاں چھوٹیاں وݙیاں مسیتاں اچ اعتکاف دے خصوصی انتظامات کیتے ڳن، معتکفین کیتے سحر و افطار دا انتظام کیتا ویندے۔ ایں واری وفاقی دارالحکومت اسلام آباد دی مشہور فیصل  مسجد اچ 3 سو معتکفین ٻیٹھن۔ لاہور اچ داتا صاحب، بادشاہی مسجد اتے منہاج القرآن مساجد اچ وی لوک اعتکاف ٻیٹھن۔ وفاقی دارالحکومت اسلام آباد، لاہور اتے کراچی سودھا ٻئے شہراں اچ اعتکاف کیتے سیکیورٹی دے خصوصی انتظامات کیتے ڳن۔