بیجنگ۔1اپریل(اے پی پی):وفاقی وزیر سمندر پار پاکستانی اتے ہیومن ریسورس ڈویلپمنٹ چوہدری سالک حسین چین دی حکومت اتے عوام نال اظہار یکجہتی سانڳے سنوار کوں خصوصی پرواز دے ذریعے دہشت گردانہ حملے اچ ہلاک تھیوݨ آلے پنج چینی اہلکاراں دی میتاں دے رلے چین دے شہر ووہان پڄ ڳئن ۔ وفاقی وزیر ایں موقع تے لقمہ اجل بݨݨ آلے اہلکاراں کوں خراج عقیدت پیش کرݨ سانڳے منعقدہ خصوصی تقریب …
وفاقی وزیر چوہدری سالک حسین شانگلہ حملے اچ ماریے ونڄݨ آلے چینی انجینئرز دی میتاں دے رلے خصوصی پرواز دے ذریعے ووہان پڄ ڳئن
بیجنگ۔1اپریل(اے پی پی):وفاقی وزیر سمندر پار پاکستانی اتے ہیومن ریسورس ڈویلپمنٹ چوہدری سالک حسین چین دی حکومت اتے عوام نال اظہار یکجہتی سانڳے سنوار کوں خصوصی پرواز دے ذریعے دہشت گردانہ حملے اچ ہلاک تھیوݨ آلے پنج چینی اہلکاراں دی میتاں دے رلے چین دے شہر ووہان پڄ ڳئن ۔ وفاقی وزیر ایں موقع تے لقمہ اجل بݨݨ آلے اہلکاراں کوں خراج عقیدت پیش کرݨ سانڳے منعقدہ خصوصی تقریب اچ وی شرکت کیتی ۔ ایندے توں پہلے وفاقی وزیر دا ووہان دے ہوائی اݙے تے اعلیٰ سرکاری حکام اتے پاکستانی سفارت خانے دے نمائندے استقبال کیتا۔ بعد اچ وفاقی وزیر صوبہ ہوبی دی نائب گورنر چن پنگ نال ملاقات کیتی تے نشوم جاناں دے ضیان تے ݙکھ تے افسوس کریندے ہوئیں ایں جرم دا ارتکاب کرݨ آلے مجرماں کوں انصاف دی کچاری اچ گھن آوݨ سانڳے پاکستان دے پکے عزم دا اعادہ کیتے۔ وفاقی وزیر پاکستان دی ترقی اتے پیشرفت اچ انمول شراکت تے چینی اہلکاراں کوں زبردست خراج عقیدت پیش کیتا اتے ایں عزم دا اظہار کیتے جو پاکستان دی حکومت اتےعوام پاک چین تعلقات دے خلاف مذموم منصوبیں کوں کݙاہیں کامیاب نہ تھیوݨ ݙیسن ۔ چینی انجینئرز 26 مارچ کوں شانگلہ اچ دہشت گرداں دے حملے اچ ماریے ڳئے ہن ۔
