سپریم کورٹ دا 7 رکنی لارجر بنچ اسلام آباد ہائی کورٹ ججز خط از خود نوٹس کیس تے کل سݨیج کریسی

اسلام آباد۔2اپریل  (اے پی پی) چیف جسٹس آف پاکستان جسٹس قاضی فائز عیسیٰ دی سربراہی اچ سپریم کورٹ دا ست رکنی لارجر بنچ (کل)بدھ 3 اپریل 2024ء کوں عدلیہ اچ مبینہ مداخلت دے معاملہ تے اسلام آباد ہائی کورٹ دے 6 ججز ولوں لکھیے ڳئے خط تے ازخود نوٹس کیس دی سݨیج کریسی۔ لارجر بینچ اچ جسٹس سید منصور علی شاہ، جسٹس یحییٰ آفریدی، جسٹس جمال خان مندوخیل، جسٹس اطہر من اللہ، جسٹس مسرت ہلالی اتے جسٹس نعیم اختر افغان  شامل ہن۔ واضح راہوے جو 26 مارچ 2024ء کوں اسلام آباد ہائی کورٹ دے 6 ججز ولوں سپریم جوڈیشل کونسل دے اراکین کوں ہک خط لکھیا ڳئیا ہئی جئیں اچ مبینہ طور ججز دے رشتے داراں دے اغوا تشدد اتے رہائش گاہیں اچ خفیہ نگرانی نال دباؤ پاوݨ دا الزام لاتا ڳئیا ہئی۔ اے خط اسلام آباد ہائی کورٹ دے ججز جسٹس محسن اختر کیانی، جسٹس طارق محمود جہانگیری، جسٹس بابر ستار، جسٹس سردار اعجاز اسحاق خان، جسٹس ارباب محمد طاہر اتے جسٹس ثمن رفعت امتیاز دے دستخطاں نال لکھیا ڳئیا۔