شہید بھٹو فاونڈیشن ولوں ذوالفقار بھٹو دا 45 واں وریݨاں 4 اپریل کوں منایا گے

اسلام آباد۔4اپریل(اے پی پی، سرائیکی نیوز سروس، ڈاکٹر سعدیہ کمال ) شہید بھٹو فاونڈیشن ولوں ذوالفقار بھٹو دا 45 واں وریݨاں 4 اپریل کوں منایا گے۔ ایں سانڳے اسلام آباد اچ ہک سیمینار تھئے جیندے اچ خطاب کریندے شرکا ءشہید ذوالفقار بھٹو دی شخصیت اتے انھاں دی خدمات تے گالھ کریندے ہوئے تعریف کیتی۔ انہاں آکھیا جو  بھانویں 73 دا آئین ہووے یا تعلیمی ادارے او بھٹو بنڑائے ہن۔

سیمینار اچ سابق گورنر بیرسٹر مسعود کوثر، سابق سینیٹر تے صدر ہیومین رائٹس سیل پاکستان پیپلزپارٹی فرحت اللہ بابر، ممبر صوبائی اسمبلی پنجاب نرگس فیض ملک ، بھٹو سابق وفاقی سیکریٹری الیکشن کمیشن کنور دلشاد  ، پروفیسر طاہر ملک ، بیرسٹر ظفر اللہ خان ، مظہر شہزاد ،ڈاکٹر قاسم بوگیو تے ڈاکٹر بشیر خطاب کیتا۔