اسلام آباد۔5اپریل(اے پی پی) وفاقی وزیر داخلہ محسن نقوی نال برطانوی ہائی کمشنرجین میریٹ ملاقات کیتی جیں اچ پاکستان تے انگلینڈ وچال کرکٹ سیریز سودھے ݙو پاسے سکیورٹی تعاون اتے سانجھی دلچسپی دے امور تے ڳالھ مہاڑ تھئی۔ وفاقی وزیر داخلہ برطانوی ہائی کمشنر دا وزارت داخلہ آمد تے خیر مقدم کیتا ۔ملاقات اچ ݙوہیں ملکاں وچال مختلف شعبیں اچ تعلقات مزید مستحکم بݨاوݨ تے اتفاق کیتا ڳئے ۔برطانوی …
وفاقی وزیر داخلہ محسن نقوی نال برطانوی ہائی کمشنرجین میریٹ دی ملاقات
اسلام آباد۔5اپریل(اے پی پی) وفاقی وزیر داخلہ محسن نقوی نال برطانوی ہائی کمشنرجین میریٹ ملاقات کیتی جیں اچ پاکستان تے انگلینڈ وچال کرکٹ سیریز سودھے ݙو پاسے سکیورٹی تعاون اتے سانجھی دلچسپی دے امور تے ڳالھ مہاڑ تھئی۔ وفاقی وزیر داخلہ برطانوی ہائی کمشنر دا وزارت داخلہ آمد تے خیر مقدم کیتا ۔ملاقات اچ ݙوہیں ملکاں وچال مختلف شعبیں اچ تعلقات مزید مستحکم بݨاوݨ تے اتفاق کیتا ڳئے ۔برطانوی ہائی کمشنر پی ایس ایل 9 دے کامیاب انعقاد تے محسن نقوی کوں مبارخ ݙتی ۔ہائی کمشنرجین میریٹ محسن نقوی کوں بلامقابلہ سینٹر منتخب تھیوݨ تے انہاں کیتے نیک خواہشات دا اظہار کیتے تے آکھیے جو محسن نقوی دی پی سی بی اتے وزارت داخلہ اچ کامیابی سانڳے نیک تمناواں دا اظہارکرینداں ہاں ۔ ہائی کمشنر آکھیے انہاں پی ایس ایل دے میچ ݙیکھ تے ٻہوں انجوائے کیتا تے توقع ظاہر کیتی جو پاکستان تے انگلینڈ دے میچاں توں شائقین کرکٹ محظوظ تھیسن ۔برطانوی ہائی کمشنر آکھیے پاکستان نال مختلف شعبیاں اچ تعاون ودھاوݨ چاہندوں ۔ وزیر داخلہ محسن نقوی آکھیے جو پاکستان تے برطانیہ دے تاریخی تعلقات دی اہمیت اپݨی جاہ مسلمہ اے۔ پاکستان مختلف شعبیں اچ برطانیہ دے تعاون کوں قدر دی نگاہ نال ݙیکھدے۔
