اسلام آباد۔16اپریل (اے پی پی) پاکستان تے سعودی عرب سرمایہ کاری متعلق امورکوں مربوط کرݨ تے انہاں تے عملدرآمد سانڳے ݙو پاسے نفاذ دے طریقہ کار کوں حتمی شکل ݙے ݙتی۔ایں حوالے نال پاکستان۔سعودی عرب سرمایہ کاری کانفرنس منگل کوں اسلام آباد اچ تھئی ۔ سعودی وزیر خارجہ شہزادہ فیصل بن فرحان السعود دی قیادت اچ اعلیٰ سطحی سعودی وفد کانفرنس اچ شرکت کیتی۔ وزیر خارجہ محمد اسحاق ڈار …
پاکستان تے سعودی عرب سرمایہ کاری متعلق امور کوں مربوط کرݨ تے انہاں تے عملدرآمد سانڳے ݙو طرفہ نفاذ دے طریقہ کار کوں حتمی شکل ݙے ݙتی، ترجمان دفتر خارجہ
اسلام آباد۔16اپریل (اے پی پی) پاکستان تے سعودی عرب سرمایہ کاری متعلق امورکوں مربوط کرݨ تے انہاں تے عملدرآمد سانڳے ݙو پاسے نفاذ دے طریقہ کار کوں حتمی شکل ݙے ݙتی۔ایں حوالے نال پاکستان۔سعودی عرب سرمایہ کاری کانفرنس منگل کوں اسلام آباد اچ تھئی ۔ سعودی وزیر خارجہ شہزادہ فیصل بن فرحان السعود دی قیادت اچ اعلیٰ سطحی سعودی وفد کانفرنس اچ شرکت کیتی۔ وزیر خارجہ محمد اسحاق ڈار خصوصی سرمایہ کاری سہولت کونسل اچ سعودی وفد دا خیرمقدم کیتا۔ ترجمان دفتر خارجہ موجب وزیر خارجہ محمد اسحاق ڈار اپݨے خطاب اچ پاکستان تے سعودی عرب وچال گھاٹے تعلقات تے سانجھی سٹرٹیجک مفادات تے زور ݙتا۔ انہاں ݙوطرفہ سٹرٹیجک اتے اقتصادی شراکت داری دی اہمیت اتے انھاں تعلقات کوں ودھارا ݙیوݨ اچ سعودی سرمایہ کاری دے اہم کردار تے روشنی پاتی۔ انہاں ݙسائے جو کیویں ایس آئی ایف سی پلیٹ فارم دے ذریعے پاکستان دا مقصد سرمایہ کاری دے عمل کوں ہموار کرݨ تے تکھے فیصلہ سازی کوں یقینی بݨاوݨ اےجیں توں پاکستان اچ سرمایہ کاری سانڳے سازگار ماحول کوں ودھارا ملسی ۔ انہاں زراعت، آئی ٹی اتے کان کنی دے شعبیں اچ پاکستان دے وسیع مواقع کوں ظاہر کریندے ہوئیں سعودی سرمایہ کاراں کوں سانجھے طور تے فیدہ مند شراکت داری اچ شمولیت دی دعوت ݙتی۔ وزیر خارجہ ݙوہیں ملکاں وچال تکڑے تعلقات تے اعتماد دا اظہار کیتے۔ انہاں سانجھی خوشحالی اتے ترقی سانڳے تعمیری مشغولیت اتے تعاون تے زور ݙتا ۔ ایس آئی ایف سی حکام پاکستان دی معیشت دے اہم شعبیں اچ ممکنہ اتے سرمایہ کاری دے موقع تے مشتمل جامع بریفنگ ݙتی۔ ݙوہیں فریقین پاکستان اچ سرمایہ کاری دے موقع کوں بہتر بݨاوݨ سانڳے فنکشنل سطح تے مکمل غور و فکر دے مذاکرات کیتن۔ سعودی فریق پاکستان اچ سرمایہ کاری دے ماحولیاتی نظام کوں بہتر بݨاوݨ اچ وݙی اہمیت اتے دلچسپی دا اظہار کریندے ہوئیں سعودی عرب دی سرمایہ کاری/کاروبار متعلق مسئلیں دے پرامن حل اچ ایس آئی ایف سی دے کردار دی تعریف کیتی تے پاکستان دے اہم شعبیں اچ سرمایہ کاری اچ گھاٹی دلچسپی ظاہر کیتی۔ ݙوہیں فریقاں اعلانات کوں ٹھوس اقتصادی نتیجے اچ بدلݨ سانڳے فعال سطح تے سرمایہ کاری متعلق امور کوں مربوط کرݨ تے انہاں تے عملدرآمد سانڳے ݙو طرفہ نفاذ دے طریقہ کار کوں وی حتمی شکل ݙتی۔
