پارلیمنٹ دے ݙوہیں ایواناں دا مشترکہ اجلاس اڄ چار وڄے پارلیمنٹ ہاؤس اچ تھیسی

اسلام آباد۔17اپریل(اے پی پی) پارلیمنٹ دے ݙوہیں ایواناں دا مشترکہ اجلاس اڄ خمیس تریجھے پہر چار وڄے پارلیمنٹ ہاؤس اچ تھیسی ۔ مشترکہ اجلاس توں صدر مملکت آصف علی زرداری خطاب کریسن ۔ قومی اسمبلی سیکرٹریٹ ایں سلسلے اچ ساریاں تیاریاں کوں حتمی شکل ݙتی اے۔  پارلیمنٹ دے مشترکہ اجلاس دے موقع تے سکیورٹی دے خصوصی انتظامات کیتے ڳئن ۔ پارلیمنٹ دے مشترکہ اجلاس اچ چیف جسٹس آف پاکستان، صوبائی گورنرز اتے وزرائے اعلیٰ ، چیئرمین جوائنٹ چیف آف سٹاف کمیٹی سودھے ترائی سروسز چیفس ، وزیر اعظم آزاد کشمیر، گورنر ،وزیر اعلیٰ گلگت بلتستان ،چارے صوبائی سپیکرز، سپیکر آزاد جموں کشمیر اتے سپیکر گلگت بلتستان قانون ساز اسمبلی سودھے سفارتکاراں اتے زندگی دے ٻئے شعبیں نال تعلق رکھݨ آلی اہم شخصیات کوں سݙیا ڳئے ۔  قومی اسمبلی سیکرٹریٹ موجب مشترکہ اجلاس دے موقع تے بغیر خصوصی دعوت نامے دے پارلیمنٹ ہاؤس دے احاطے اچ داخلہ ممکن نہ ہوسی ۔