اسلام آباد۔17اپریل (اے پی پی):وزیراعظم محمد شہباز شریف آکھیے چین نال دوستانہ تعلقات اتے معاشی اشتراک کوں مزید ودھاوݨ چاہندوں پاکستان اچ کم کرݨ آلے چینی مہماناں دی سیکورٹی دے معاملے اچ کہیں قسم دا سمجھوتہ نہ کیتا ویسی ۔ چینی کمپنیاں ملک اچ درآمد شدہ کولیں نال چلݨ آلے پاور پلانٹس کوں مقامی کولیں تے منتقل کرݨ تے کولیں دی کان کنی دے منصوبیں اچ مزید سرمایہ کاری …
چین نال دوستانہ تعلقات اتے معاشی اشتراک کوں مزید ودھاوݨ چاہندوں ، چینی شہریاں دی سکیورٹی تے کوئی سمجھوتہ نہ تھیسی ،وزیراعظم محمد شہباز شریف
اسلام آباد۔17اپریل (اے پی پی):وزیراعظم محمد شہباز شریف آکھیے چین نال دوستانہ تعلقات اتے معاشی اشتراک کوں مزید ودھاوݨ چاہندوں پاکستان اچ کم کرݨ آلے چینی مہماناں دی سیکورٹی دے معاملے اچ کہیں قسم دا سمجھوتہ نہ کیتا ویسی ۔ چینی کمپنیاں ملک اچ درآمد شدہ کولیں نال چلݨ آلے پاور پلانٹس کوں مقامی کولیں تے منتقل کرݨ تے کولیں دی کان کنی دے منصوبیں اچ مزید سرمایہ کاری کرن۔ وزیراعظم آفس دے میڈیا ونگ توں جاری بیان موجب اے ڳالھ انہاں چیئرمین شنگھائی الیکٹرک گروپ’’ وو لی‘‘ دی سربراہی اچ وفد نال ملاقات اچ آکھی اے ۔ ملاقات اچ تھر کول بلاک ’ون‘ پاور جنریشن کمپنی دے چیئرمین اتے چیف ایگزیکٹو آفیسر مینگ ڈونگہائی ، وفاقی وزیر اقتصادی امور احد خان چیمہ، وفاقی وزیر توانائی سردار اویس احمد لغاری، وفاقی وزیر پٹرولیم ڈاکٹر مصدق مسعود ملک، ڈپٹی چیئرمین پلاننگ محمد جہانزیب خان تے متعلقہ اداریں دے اعلیٰ افسران شریک ہن۔ملاقات اچ وزیراعظم کوں پاکستان اچ شنگھائی الیکٹرک گروپ دی زیر سرپرستی چلائے ونڄݨ آلے مختلف منصوبیں تے بریفنگ ݙتی ڳئی ۔ ملاقات اچ وزیراعظم محمد شہباز شریف پاکستان دے چین نال دوستانہ تعلقات اتے معاشی اشتراک کوں مزید ودھارا ݙیوݨ دے عزم دا اعادہ کیتے ۔ وزیراعظم آکھیے جو پاکستان اتے چین دی دوستی سمندراں توں جھکی تے ہمالیہ توں اچی اے ۔
