پنجاب اچ اندھاری ، مینھ اتے گڑھا وسݨ دا امکان،ترجمان پرونشنل ڈیزاسٹر مینجمنٹ اتھارٹی

لاہور۔18اپریل(اے پی پی) پورے پنجاب اچ آندے ݙو ݙینھ تئیں اندھاری ، مینھ اتے گڑھا وسݨ دا امکان اے ۔ ترجمان پی ڈی ایم اے موجب ڈی جی پی ڈی ایم اے عرفان علی کاٹھیا صوبہ دے ڈپٹی کمشنرز کوں ایں حوالے نال الرٹ رہݨ دی ہدایات جاری کرݙتن ۔ڈی جی پی ڈی ایم اے عرفان علی کاٹھیا آکھیے ہنگامی صورتحال نال نبݨݨ سانڳے متعلقہ محکمے الرٹ رہن،صوبائی کنٹرول روم سودھے سارے ضلعیں دے ڈسٹرکٹ ایمرجنسی آپریشن سنٹرز کوں وی الرٹ کرݙتا ڳئے۔پی ڈی ایم اے کنٹرول روم اچ صورتحال دی مانیٹرنگ 24/7 جاری اے۔1122 سودھے ٻئے ریسکیو ادارے مشینری سمیت عملے کوں الرٹ رکھن۔انہاں آکھیے شہری احتیاط ورتن بجلی دے کھمبے تے لڑکدیاں تاراں توں ھک پاسے رہن ،آسمانی بجلی  توں بچݨ سانڳٖ محفوظ جاہ تے رہن ،بجلی دی کھمݨ گاج طوفانی صورتحال اچ کھلے آسمان تلے کہیں صورت نہ ونڄن ٻالیں دا خاص خیال رکھن تے انہاں کوں پاݨی آلے علاقیں اچ جمع پاݨی دے نیڑے نہ ونڄݨ ݙیون ۔ شہری غیر ضروری سفر نہ کرن تے گاݙی ہولے چلاون ۔موسمیاتی تبدیلیاں پاروں پاکستان کوں غیر معمولی مینھ دا سامݨا اے ۔ شہری مدد سانڳے پی ڈی ایم اے دی ہیلپ لائن 1129 تے کال کرسڳدن۔