اسلام آباد۔18اپریل(اے پی پی) وفاقی وزیر داخلہ محسن نقوی غیر موثر اتے زائد المیعاد شناختی کارڈز تے جاری شدہ موبائل سماں بند کرݨ دا حکم ݙیندے ہوئیں آکھیے جو ملک اچ ماڈل نادرا دفتر بݨائے ونڄن،عوام دی سہولت سانڳٖ ڈیتھ سرٹیفکیٹ دی فیس ختم کیتی ویندی پئی اے ۔ اونادرا ہیڈ کوارٹر دے تفصیلی دورے دے موقع تے اجلاس توں خطاب کریندے پئے ہن ۔نیشنل ڈیٹا بیس اینڈ رجسٹریشن اتھارٹی …
غیر موثر اتے زائد المیعاد شناختی کارڈز تے جاری موبائل سماں بند ، ڈیتھ سرٹیفکیٹ دی فیس ختم کیتی ویندی پئی اے ۔ وفاقی وزیر داخلہ دا نادرا ہیڈ کوارٹر اچ اجلاس توں خطاب
اسلام آباد۔18اپریل(اے پی پی) وفاقی وزیر داخلہ محسن نقوی غیر موثر اتے زائد المیعاد شناختی کارڈز تے جاری شدہ موبائل سماں بند کرݨ دا حکم ݙیندے ہوئیں آکھیے جو ملک اچ ماڈل نادرا دفتر بݨائے ونڄن،عوام دی سہولت سانڳٖ ڈیتھ سرٹیفکیٹ دی فیس ختم کیتی ویندی پئی اے ۔ اونادرا ہیڈ کوارٹر دے تفصیلی دورے دے موقع تے اجلاس توں خطاب کریندے پئے ہن ۔نیشنل ڈیٹا بیس اینڈ رجسٹریشن اتھارٹی ہیڈ کوارٹر آمد تے چیئرمین نادرا لیفٹیننٹ جنرل محمد منیر افسر وفاقی وزیر داخلہ محسن نقوی دا استقبال کیتا۔ وفاقی وزیرداخلہ محسن نقوی نادرا ہیڈکوارٹر دی پوری عمارت دا دورہ کیتے تے پرنٹنگ سودھے سارے شعبیں دا معائنہ کیتے ۔ وزیر داخلہ محسن نقوی آکھیے ماڈل نادرا آفس دے قیام نال سروس ڈلیوری اچ بہتری آسی تےعوام کوں سہولت ملسی ۔ انہاں آکھیے نادرا پاکستان دی سنڄاݨ اے عوام کوں تکھی رفتار سروس ݙیوݨ سانڳے نادرا دے ماڈل آفس بݨائے ونڄن ۔ انہاں آکھیے جو پنجاب اچ ماڈل تھاݨے دے قیام نال عوام کوں سہولت نال امیج اچ بہتری آئی ۔ انہاں آکھیے پیدائش، موت، شادی اتے طلاق دے سرٹیفکیٹس دے مسئلیں کوں مؤثر طریقے نال حل کرݨ سانڳے یونین کونسل دفاتر نال رل تے سہل نظام متعارف کرایا ونڄے۔ وزیر داخلہ آکھیے شہریاں دے ڈیٹا دی مکمل حفاظت یقینی بݨائی ونڄے ۔ عوام دی سہولت سانڳے موبائل پلیٹ فارمز تے مزید سہولتاں ݙتیاں ونڄن ادارے دے اقدامات دی ترویج سانڳے سوشل میڈیا کوں موثر طریقے نال استعمال کیتا ونڄے ۔وفاقی وزیرداخلہ محسن نقوی موجودہ چئیرمین نادرا لیفٹیننٹ جنرل محمد منیر افسر دی بہترین کارکردگی دی تعریف کیتی ۔ انہاں آکھیے چئیرمین نادرا لیفٹیننٹ جنرل محمد منیرافسر محنت نال فرائض پورے کرتے نادرا کوں پبلک فرینڈلی ادارہ بݨائے ۔ وفاقی وزیر داخلہ محسن نقوی دی طرفوں سول رجسٹریشن اچ بہترین خدمات انجام ݙیوݨ تے ادارے دی خدمات دی تعریف کیتی ڳئی
