اسلام آباد۔18اپریل (اے پی پی):وفاقی وزیر اطلاعات و نشریات عطاءاللہ تارڑ آکھیے جو 9 مئی دے حملہ آور اڄ ملکی مفاد تے حملہ آور ہن، ملکی مفاد دے خلاف ڳالھ کرݨ آلا پاکستان دا دشمن اے، اپݨے سیاسی مفاد اتے انا کوں ملکی مفاد تے ترجیح ݙیوݨ قابل مذمت اتے افسوسناک اے۔ میڈیا نال ڳالھ مہاڑ کریندے ہوئیں وفاقی وزیر اطلاعات آکھیے جو تحریک انصاف پہلے ملکی مفاد دے خلاف …
نومئی دے حملہ آور اڄ ملکی مفاد تے حملہ آور ہن، عطاءاللہ تارڑ
اسلام آباد۔18اپریل (اے پی پی):وفاقی وزیر اطلاعات و نشریات عطاءاللہ تارڑ آکھیے جو 9 مئی دے حملہ آور اڄ ملکی مفاد تے حملہ آور ہن، ملکی مفاد دے خلاف ڳالھ کرݨ آلا پاکستان دا دشمن اے، اپݨے سیاسی مفاد اتے انا کوں ملکی مفاد تے ترجیح ݙیوݨ قابل مذمت اتے افسوسناک اے۔ میڈیا نال ڳالھ مہاڑ کریندے ہوئیں وفاقی وزیر اطلاعات آکھیے جو تحریک انصاف پہلے ملکی مفاد دے خلاف بیان ݙتا ول ایں توں لاتعلقی دا اظہار کیتے اے وی پی ٹی آئی دا پراݨا وطیرہ اے۔ انہاں دا لیڈر پہلے ہی کرپشن دے مقدمیں بھوڳیندا پئے ۔ ملک اچ سرمایہ کاری پاکستان دے دشمناں کوں ہضم نی تھیندی پئی ایجھے عناصر سانڳے ہدایت دی دعا کریندوں۔ کاش اے ملک دے مفاد اچ وی ڳالھ کرسڳن ۔ انہاں آکھیے سیاسی مخالفت اچ ملک دشمنی نامناسب اےتساں اساں تے تنقید کرو لیکن پاکستان تے تنقید ناقابل برداشت اے۔ وفاقی وزیر اطلاعات آکھیے ساݙے دوست ملک پاکستان اچ سرمایہ کاری تے تعاون دی حمایت تے دوستی دا ہتھ ودھیندے پئن ۔پاکستان انشاءاللہ ترقی کریسی اساں آپݨے دوست ملکاں نال رابطے ودھیسوں۔
