وفاقی وزیر داخلہ محسن نقوی دی کراچی لانڈھی اچ خودکش حملے دی مذمت

اسلام آباد۔19اپریل (اے پی پی):وفاقی وزیر داخلہ محسن نقوی کراچی لانڈھی اچ خودکش حملے دی شدید مذمت کریندے ہوئیں آکھیے پولیس بہادری ݙکھیندے ہوئیں حملے کوں ناکام بݨا ݙتے۔ وزیر داخلہ غیر ملکیاں دی حفاظت تے مامور اہلکاراں کوں شاباش اتے زبردست خراجِ تحسین پیش کیتا۔آپݨے ھک بیان اچ وزیر داخلہ دشمن دے مذموم عزائم مٹی اچ رلاوݨ آلے سیکورٹی اہلکاراں کوں سلام پیش کیتے اتے زخمی تھیوݨ آلیں دی وختی صحت یابی سانڳے دعا کیتی ۔ انہاں آکھیے پولیس سودھے سارے سکیورٹی ادارے دہشت گردی دے خلاف جنگ اچ پرعزم ہن، ملک دے امن اتے ساکھ کوں ضیان پڄاوݨ آلے عناصر نال اوکھے ہتھاں نال نبݨیا ویسی ۔