اسلام آباد۔19اپریل (اے پی پی):دفتر خارجہ دی ترجمان ممتاز زہرہ بلوچ آکھیے سعودی عرب دے وزیر خارجہ شہزادہ فیصل بن فرحان آل سعود دی قیادت اچ سعودی وفد اڄوکے ہفتے اسلام آباد دا دورہ کیتے جیں دا مقصد وزیر اعظم محمد شہباز شریف اتے سعودی ولی عہد اتے وزیراعظم شہزادہ محمد بن سلمان وچال مکہ المکرمہ اچ تھیوݨ آلی اڄوکی ملاقات اچ طے پاوݨ آلے مفاہمت دی پیروی اچ ݙو …
سعودی وزیر خارجہ دے دورہ اسلام آباد دا مقصد ݙو طرفہ اقتصادی تعاون ودھاوݨ تے ڳالھ مہاڑ کوں تکھا کرݨ ہئی ، ترجمان دفتر خارجہ
اسلام آباد۔19اپریل (اے پی پی):دفتر خارجہ دی ترجمان ممتاز زہرہ بلوچ آکھیے سعودی عرب دے وزیر خارجہ شہزادہ فیصل بن فرحان آل سعود دی قیادت اچ سعودی وفد اڄوکے ہفتے اسلام آباد دا دورہ کیتے جیں دا مقصد وزیر اعظم محمد شہباز شریف اتے سعودی ولی عہد اتے وزیراعظم شہزادہ محمد بن سلمان وچال مکہ المکرمہ اچ تھیوݨ آلی اڄوکی ملاقات اچ طے پاوݨ آلے مفاہمت دی پیروی اچ ݙو طرفہ اقتصادی تعاون ودھاوݨ تے ڳالھ مہاڑ کوں تکھا کرݨ ہئی ۔ پریس بریفنگ اچ انہاں آکھیے ݙوہیں وزراء خارجہ دی مشترکہ صدارت اچ تھیوݨ آلی”سعودی عرب پاکستان سرمایہ کاری کانفرنس“اچ فریقین توانائی، کان کنی، زراعت، انفارمیشن ٹیکنالوجی، تعمیرات، انسانی وسائل دی ترقی اتے برآمدات جیہے مختلف شعبیں اچ سرمایہ کاری دی تجویز تے ڳالھ مہاڑ کیتی ۔ ترجمان آکھیے جو سرمایہ کاری کانفرنس دا مقصد پاکستان اچ سعودی سرمایہ کاری دی راہ ہموار کرݨ ہئی ۔ انہاں آکھیے اساں آپݨی اقتصادی اتے تزویراتی شراکت داری ودھاوݨ سانڳے مملکت سعودی عرب نال آپݨی تعمیری مصروفیات جاری رکھیسوں۔
