صدر مملکت آصف علی زرداری دا ڈیرہ اسماعیل خان اچ کسٹمز حکام تے دہشت گرد حملے دی مذمت،شہید تھیوݨ آلے کسٹم اہلکاراں دے لواحقین نال اظہار افسوس

اسلام آباد۔20اپریل  (اے پی پی):صدر مملکت آصف علی زرداری ڈیرہ اسماعیل خان اچ کسٹمز حکام تے دہشت گرد حملے دی مذمت کریندے ہوئیں شہید تھیوݨ آلے اہلکاراں دے لواحقین نال افسوس کیتے ۔ ایوان صدر پریس ونگ توں جاری بیان موجب صدر مملکت سمگلنگ روکݨ سانڳے کسٹم اہلکاراں دی خدمات کوں خراج تحسین پیش کیتے۔صدر مملکت دہشت گردی اتے سمگلنگ مکاوݨ دے عزم دا اظہار کیتے۔صدر مملکت فرائض انجام ݙیوݨ دے دوران جان دا نذرانہ پیش کرݨ تے کسٹم اہلکاراں کوں خراج عقیدت پیش کیتے۔صدر مملکت شہدا  سانڳے اچے درجات ، اہل خانہ سانڳے صبر دی دعا کیتی۔