موسمیاتی تبدیلی دے مضر اثرات مسلسل ودھدے پئن ، وزیراعظم محمد شہباز شریف داعالمی یوم ارض دے موقع تے سنھیا

اسلام آباد۔22اپریل (اے پی پی):وزیراعظم محمد شہباز شریف آکھیے جو موسمیاتی تبدیلی دے مضر اثرات مسلسل ودھدے پئن ، پلاسٹک دا ٻہوں استعمال انسانی صحت سانڳے وݙا خطرہ بݨدا پئے ۔پاکستان قدرتی وسائل دی حفاظت اتے موسمیاتی تبدیلی دے عوامل کوں گھٹ کرݨ دے نال نال پائیدار صاف اتے سرسبز مستقبل سانڳے اپݨی کوششاں تے اقدامات جاری رکھیسی ۔ انہاں اے ڳالھ انہاں عالمی یوم ارض دے موقع تے سنھیے اچ آکھی ۔ وزیراعظم آکھیے جو اڄ پاکستان سودھے پوری دنیا اچ یوم ارض منایا ویندا پئے، ایں ݙینھ کوں مناوݨ دا بنیادی مقصد اساں ساریں کوں کرہ ارض دی حفاظت دی ذمہ واری دی یاد دہانی کراوݨ اے تے آندی نسلاں سانڳے ایں سیارے دے تحفظ دے عزم دا اعادہ کرݨ اے ۔ انہاں آکھیے 2024 دا یومِ ارض Planet vs Plastics دے عنوان توں منایا ویندا پئے جیں دا مقصد 2040 تئیں پلاسٹک دے استعمال اچ 60 فیصد تئیں کمی گھن آوݨ اے ، آؤ اڄ دے ݙینھ اساں پلاسٹک دے ذمہ دارانہ استعمال دا عزم کریسن پلاسٹک دا بے دریغ استعمال نہ صرف ساݙی ندیاں، دریاواں تے سمندراں کوں خراب کریندا پئے بلکہ اے ساݙی خوارک اچ شامل تھی تے براہ راست انسانی صحت سانڳے وݙا خطرہ بݨدا پئے۔