ایران دے صدر ڈاکٹر ابراہیم رئیسی 3 ݙینھ دے دورے تے اسلام آباد پڄ ڳئن ، اسلام آباد ایئرپورٹ تے پرتپاک استقبال کیتا ڳئے ، دفتر خارجہ

اسلام آباد۔22اپریل (اے پی پی):ایران دے صدر ڈاکٹر ابراہیم رئیسی 3 ݙینھ دے دورے تے اسلام آباد پڄ ڳئن ، اسلام آباد ایئرپورٹ تے انہاں دا پرتپاک استقبال کیتا ڳئے ۔ دفتر خارجہ موجب وفاقی وزیر ہاؤسنگ اینڈ ورکس میاں ریاض حسین پیرزادہ اتے ایران اچ پاکستان دے سفیر مدثر ٹیپو انہاں دا استقبال کیتا۔ ایرانی صدر دے رلے انہاں دی ذال تے وزیر خارجہ دے علاوہ کابینہ دے ٻئے ارکان اتے اعلیٰ حکام تے مشتمل ھک اعلیٰ سطحی وفد وی اے۔ صدر ابراہیم رئیسی دے دورہ پاکستان دا متنوع ایجنڈا پاک ایران تعلقات دی گہرائی تے وسعت دی عکاسی کریندے۔ او پاکستان اچ قیام دے دوران صدر مملکت اتے وزیراعظم، چیئرمین سینیٹ تے سپیکر قومی اسمبلی نال ملاقات کریسن ۔ او لاہور تے کراچی دا دورہ وی کریسن تے صوبائی قیادت نال ملاقاتاں کریسن۔