ایرانی صدر ڈاکٹر سیدابراہیم رئیسی دی لاہور آمد،وزیر اعلی پنجاب مریم نواز پرتپاک استقبال کیتا

لاہور۔23اپریل(اے پی پی) ایران دے صدرڈاکٹر سید ابراہیم رئیسی  ھک ݙینھ دے دورے تے لاہور پڄن ۔وزیر اعلی پنجاب مریم نواز شریف سینئر صوبائی وزیر مریم اورنگزیب دے رلے ایرانی صدر دا علامہ اقبال انٹرنیشل ایئر پورٹ تے شاندار استقبال کیتا۔ ٻالاں معزز مہمان کوں گلدستے پیش کیتے۔ وزیراعلی پنجاب مریم نواز شریف ایرانی صدر نال پنجاب کابینہ دا تعارف کرائے۔ ایں موقع تے صوبائی کابینہ دے ارکان سینئروزیر مریم اورنگزیب ،وزیر اطلاعت عظمی بخاری، وزیر خزانہ مجتبی شجاع الرحمان،سینیٹر پرویز رشید، وزیر خوراک بلال یاسین ، وزیر صحت خواجہ سلمان رفیق، وزیر صنعت چوہدری شافع حسین،ایرانی قونصل جنرل مہران مواحد فر،چیف سیکرٹری زاہد اختر زمان ،آئی جی پنجاب ڈاکٹر عثمان انور تے ٻئے متعلقہ حکام موجود ہن۔